ريم طارق: حسن شاكوش كان على علاقة مع فنانة مشهورة.. وخليته يصلي في أخر جوازنا

أكدت ريم طارق، طليقة المطرب الشعبي حسن شاكوش، على أن أحد أسباب طلاقها من “شاكوش” هو علاقته بـ فنانة مشهورة تعاني من أزمة صحية.

تحيا مصر يرصد تفاصيل تصريحات ريم طارق

وقالت ريم طارق خلال لقاء لها ببرنامج 90 دقيقة مع الإعلامية بسمة وهبة: حسن شاكوش كان على علاقة مع فنانة مشهورة عندها مشكلة صحية في رمضان.. وقفت مع حسن شاكوش بكل الطرق وخليته يصلي في اخر فترة رغم أن ده كان مستحيل.

حسن شاكوش يرد على زوجته ريم طارق

وسبق وأن خرج مطرب المهرجانات الشعبية حسن شاكوش في فيديو عبر حسابه الرسمي بموقع التواصل الإجتماعي فيسبوك، ليرد على أنباء تمكين زوجته ريم طارق من منزله والتحفظ عليه، مشيرا إلى أنه لازال في منزله رفقة أهله.

وقال حسن شاكوش خلال البث المباشر: أنا في بيتي ومعايا اهلى منورني في بيتي النهاردة، هما نادرا أما بيجوا بس جم زاروني النهاردة، وبرجوا منكم انكم تاخدوا المعلومة من مصدرها الأساسي ويكون مصدر موثوق منه.

وتابع حسن شاكوش في الايف: أنا اتربيت على احترام بنات الناس وعمري في حياتي ما ضايقت ولا عملت مشكلة مع حد، ولو حد شافني بأذي واحدة او بضايقها يطلع يقول.

تصريحات والد ريم طارق

كما حرص والد ريم طارق، طليقة المطرب الشعبي حسن شاكوش، التعليق على أزمة ابنته مع طليقها، موضحًا مطالبه التي يتمنى تنفيذها لحفظ حق نجلته.

وقال والد ريم طارق في مداخلة هاتفية له ببرنامج 90 دقيقة مع الإعلامية بسمة وهبة: أنا مش حابب اتكلم في أي حاجة، أنا بنتي اتظلمت ظلم كبير، ودايما بتهدد، من أول المشكلة بيجيلي تهديدات غير عادية، وطلعت استنجدت، وقولت يا جماعة الراجل دا يعرف يعمل ويعمل، ومش هقول سبب الطلاق لأن احنا اتعودنا منجبش في سيرة حد ومنفتش أسرار حد، واللي ربنا يستره مينفعش احنا نفضحه.

وتابع: وأنا عايز أوجهله رسالة أنت جيت خدت بنتي من بيتي، وبنتي كانت متعززة في بيت أبوها ومبسوطة، رجعتهالي أبسط ما يقال عنها أنها كانت جثة مهلهلة مطعونة في كرامتها، الله يسامحك على كل اللي أنت عملته، والحرب دي استنزفت كل قوانا لكن احنا مكملين، واخواته بيشتمونا.