متحشروش نفسكم.. دعاء فاروق ردًا على منتقدي إطلالتها الأخيرة

خرجت الإعلامية المصرية دعاء فاروق للرد على الانتقادات التي وجهت لها بسبب ملابسها بعد أدائها فريضة الحج.

تحيا مصر يرصد رد دعاء فاروق على منتقديها.

رد دعاء فاروق على منتقديها

وقالت دعاء فاروق عبر صفحتها الرسمية بموقع تبادل الصور والفيديوهات القصيرة إنستجرام: ربنا خالقنا برقبة والرقبة تحت الإيشارب وفي إيشارب ملفوف حولين الرقبة  في إيشارب ملفوف حولين الرقبة ولا مافيش.

وتابعت دعاء فاروق: أنا بقى قدامكم على طول لابسة التلبيسة ولا لا جيت مرة غيرت في طريقة اللفة.. ياريت متحشروش نفسكم في الفتحة اللي ظهرت بالرقبة، عيب أما ست تدخل عند ست زيها وتقولها الرقبة أنا بس حبيت أبين شكل الرقبة يعني أنتي ينفع تروحي للجزار تقوليله هات رقبة فايديكي حتة رقبة صغيرة.

تصريحات دعاء فاروق 

وأضافت: أنا مش برد عشان أدافع عن نفسي مش موضوعي ولا فارق معايا مين الشخصية اللي بتنتقدني، أنا بالنسبالي بتكلم على الانتقادات اللى جات ليا.

واختتمت دعاء فاروق حديثها قائلة: عيب تقللوا من قيمة الحج لأنه ركن كبير ومهم من أركان الإسلام عيب واحدة تدخل تقولي أنتي حجيتي تبقى قدوة، هو أنا يعني مش قدوة ولا قدوة الشخص عندكم بقيت بالهدوم.

تعليق دعاء فاروق على المساكنة

وكانت علقت دعاء فاروق، في مقطع فيديو، عبر حسابها الرسمي بموقع تبادل الصور والفيديوهات القصيرة إنستجرام على المساكنة قائلة: ازاى يناقش موضوع المُساكنة، لا وبنجيب الشباب والبنات في مصر ونسألهم عن المساكنة.. تحب تعمل مساكنة ولا لأ.

وتابعت: يعني أنت بتجيب بنتك وتسألها تحبي تزني، أنتوا إزاي بتناقشوا موضوع الزنا، ملناش دعوة في اتنين عملوا كده في مكان لا يناسب عاداتنا وتقاليدنا ولا حياتنا.

وأضافت: بعدين ألاقي بنت تتسأل عن المساكنة فتقول لو مش حرام آه هعمل المساكنة، غيري كلمة المساكنة وبدليها بزنا.. حضرتك تحبي تزني قبل الزواج، والبنات تقول  آه لو مش حرام، يعني إحنا ممكن الصبح نغير اسم بيوت الدعارة بـ  بيوت السعادة  وننزل نسأل الطلاب تحب تروح بيت السعادة ويقولوا آه.