والدة ميرنا هشام في أول ظهور لها بعد جدل اختفاء ابنتها: كانت نايمة وبنتي متدينة مستحيل تفكر في الانتحار

خرجت والدة المطربة ميرنا هشام نجمة برنامج أرب أيدول، لأول مرة لترد على شائعة اختفاءها ومحاولتها للانتحار، وذلك بعدما انتشر هذا النبأ بشكل سريع وحدث ضجة عريمة على مواقع التواصل الإجتماعي المختلفة.

تحيا مصر يرصد في ذلك التقرير أول تعليق من والدة ميرنا هشام على جدل اختفاء ابنتها

والدة ميرنا هشام: بنتي كانت محتاجة راحة نفسية واتصدمنا بالاخبار المنتشرة عن انتحارها

وقالت والدة ميرنا هشام خلال لقائها بـ موقع تحيا مصر: اتصدمنا من الاخبار المنتشرة على جوجل، هي كانت قاعدة في القاهرة وكنا عمالين نقول اي اللي بيحصل ده، وأما قرأت نزلت حسبي الله ونعم الوكيل ومتوقعتش انه هيعمل الضجة الكبيرة دي، انتحار اي يجماعة ميرنا مش حد كدة خالص، دي بقلب طيب وبشوشة وعسل وبتصلي ومبتقطعش فرض، وميرنا مختفية بقالها اسبوع على السوشيال ميديا، بتاخد راحة نفسية.

وعن حقيقة مرضها، قالت والدة ميرنا هشام: كانت تعبانة في الفترة الاخيرة بسبب الظروف والحياة وفيه ناس طلعت قالت ماتت، والموضوع أثر في نفسيتها بعد ما قرأنا، أنا سافرت على طول جبتها وجيت وكنت بكلمها طول الطريق وخدنا الموضوع بهزار، وهي مكنتش مهتمية ودي عادتها عادي.

والدة ميرنا هشام: أعصابها تعبت بعد ما سمعت شائعات انتحارها

واستكملت والدة ميرنا هشام حديثها، فقالت: ميرنا بتحب الوحدة ومبتحبش الكلام الكتير، ولو حصل حوار في العيلة هي مبتطلعش وتتكلم وبتكبر دماغها من اي حاجة، هي دايما عندها القولون العصبي بسبب انها مبتقدرش تتكلم في المشاكل اللي بتوجهها، ولكن بعد ما سمعت الكلام على انتحارها أعصابها تعبت وهي واثقة ان ربنا كبيرز

وتابعت: الناس أما سألوني ميرنا فين قولتلهم نايمة، هي كانت راجعة من السفر وهي بتحب الناس جدا لكن بتحب الوحدة غي نفس الوقت، واختها قرأت واستغربت جدا اللي بيحصل ده، أنا بحب ميرنا وبحب صوتها وهي نور عينيا.

وأردفت: ميرنا في الفترة الاخيرة كانت قاعدة في القاهرة لوحدها مش مع حد والاسبوع ده مروحتلهاش، ومأعتقدتش انها بعتت لحد تتكلم عن تأثرها نفسيا وإلا كان نزلها، هي ملهاش صحاب وانا الصديقة المقربة ليها وبتحكيلي وبتاخد رأي في كل حاجة، ونفسي اشوفها نجمة كبيرة هي صوتها حلو.

والدة ميرنا هشام: بنتي مش بتقطع فرض ورافضة الارتباط بسبب الفن

واختتمت والدة ميرنا هشام حديثها عن ابنتها، فقالت: ميرنا مش بتقطع فرض وسفرنا وعملنا عمرة واتنين وهي متدينة جدا وحسبي الله ونعم الوكيل في اللي طلع شائعات انتحارها لأن ربنا مش بيرضى بالظلم، وهتظهر قريب وهتسجلكم أغنية، هي بتحب فنها جدا وشايفة ان الفن حياتها وهي موقفة الارتباط وكل ده عشان الفن هي فتعشق الغناء وهي فنانة ومن وهي عندها 10 سنين وهتشوفوها ممثلة شاطرة بس ربنا لسة مأذنش.