حسين حجاج: رفضت الشغل مع أحمد السبكي بسبب سلوكياته.. والهجوم على رحمة أحمد غير مبرر

كشف الفنان حسين حجاج عن سبب رفضه للعمل مع المنتج أحمد السبكي، وذلك خلال حواره مع الإعلامية إنجي هشام في برنامج المنسي عبر قناة هي.

تحيا مصر يرصد تفاصيل تصريحات حسين حجاج في المنسي

حسين حجاج وأحمد السبكي

وقال حسين حجاج: رفضت الشغل مع منتج بسبب سلوكياته لأنها مش كويسة مع الممثلين عشان كده قررت مش هشتغل معاه تاني حتى لو هيديني بطولة.

وتابع: مبيدفعش أجور كويسة وفي مرة كنت شغال معاه فيلم واتعودنا في شركات الإنتاج إننا تاخد ١٠ في المئه ولباقي في اللوكيشن إنما دا ممكن تروحيله الشركة وانتي مش عارفة هيدفعلك كام، عنده فهلوة ومبيحبش يدفعلك اللي انتي تستاهليه لازم أقل.

واضاف: اشتغلت معاه مسلسل وبعد سنتين اتصلوا بيا من فترة واحد قالي على فيلم قلتلوا مع مين قالي السبكي قلتلو لا مش هشتغل معاه تاني.

رأي حسين حجاج في الهجوم على رحمة أحمد

وفي الحلقة ذاتها، كشف الفنان حسين حجاج عن رأيه في الهجوم على الفنانة رحمة أحمد في مسلسل " الكبير ٧"، وقال: الهجوم عليها مش منطقي ، اللي عملته السنة اللي فاتت هي هي اللي قدمته السنادي، في ناس قالت بتسريع، وفي ناس قالت اوفر شوية وممكن تكون كانت كده فعلا لكن هي كربوحه اللي الناس حبيتها وبقت نجمة.

وأضاف خلال حواره مع الإعلامية انجي هشام في برنامج المنسي عبر قناة هي:' متعرضتش للتنمر بسبب ادواري  الناس بتحبني وبتشوفني في الشارع تقولي احنا بنحبك يا عم أشرف ده نجاح مش تنمر وانا مفيش حد يتجرأ يتنمر عليا.

وتابع :مفيش حد عمروا تنمر عليا الناس بتضحك معايا لكن تنمر لدرجة التنمر وانا أقف ساكت لا واللي عايز يتنمر هيفكر الف مرة  قبل ما يفكر يتنمر عليا.

تفاصيل برنامج المنسي

يذكر، أن برنامج " المنسي" هو برنامج على قناة " هي" تقديم الإعلامية انجي هشام، ويذاع يومي السبت والأحد في تمام الساعة الحادية عشر والنصف مساءا  ويستضيف عددا من نجوم الفن والإعلامين الذي غابت عنهم أضواء الشهرة والنجومية.