أول تعليق لـ ميرنا هشام نجمة أرب أيدول بعد جدل اختفائها: تعبانة نفسيا بس مش لدرجة إني انتحر

خرجت ميرنا هشام، نجمة أرب أيدول لـ ترد على جدل اختفائها ولجوئها للانتحار لأول مرة، وذلك بعدما قام عدد كبير من أصدقائها بـ مشاركة منشورات تفيد بعدم استطاعتهم الوصول لها.

تحيا مصر يرصد في ذلك التقرير أول تعليق من ميرنا هشام نجمة أرب أيدول على جدل اختفائها وانتحارها

ميرنا هشام: عايزة أطمنكم أنا كويسة ومنتحرتش

وقالت ميرنا هشام في فيديو نشرته عبر حسابها الرسمي بموقع تبادل الصور الفيديوهات انستجرام: أنا عايزة أطمنكو أنا كويسة، وإني منتحرتش وأي حد فعلا عارفني عمره في حياته ما هيتخيل إني أعمل حاجة زي كده، لكن كل الحكاية إني تعبانة شوية بس مش لدرجة إني انتحر خالص، أنا بقيت أحسن ولو أنا مختفية بقالي فترة، فأنا بس تعبانه نفسيًا، وتعبي النفسي أثر عليا جسديًا جدًا زي أي حد ممكن يحصله حاجة زي كده.

ميرنا هشام: ادعولي أبقى كويسة وأسفة لو حد كلمني وأنا قافلة موبايلي

وتابعت حديثها، قائلة: ادعولي وإني ابقى كويسة وأنا كويسة، كلنا بلا استثناء بنمر بفترة مش كويسة، بس بنعدي وعادي، وأنا مريت بالفترة دي وهعدي ومتعودة على كده، بس أنا معرفش الموضوع كبر كده ازاي، أنا آسفة لكل حد كلمني وأنا قافلة موبايلي، مش قادرة أرد على حد خالص فعلًا، ادعولي أبقى كويسة بس، وأوعدكم هبقى كويسة وأنا بخير ومفيش حاجة من الكلام ده خالص.

القصة الكاملة لـ انتحار ميرنا هشام

جدير بالذكر، بدأ الحديث عن ميرنا هشام يتصدر السوشيال ميديا بعدما نشر أصدقاؤها مجموعة منشورات يريدون بها الوصول لـ ميرنا هشام وذلك بعدما كتبت صديقة لها: بجد زعلتيني عليكي ياميرنا ليه تعملي كدا في نفسك  دا انتي ليكي مستقبل جميل الانتحار عمره مكان حل.

وكتبت إحدى صديقتها: “حد عنده اي معلومات ياجماعه هيا انتحرت ليه وهيا عايشه ولا بعد الشر عنها والله زعلت اووووي ربنا يلطف بيها دي بنوته جميله خالص، ميرنا حبيبتي طمنيني والنبي عليكي يارب تكون الاخبار دي غلط  يارب، لا حول ولا قوه الا بالله صوتها كان جميل أوي ياريت حد يطمنا عليها”، وغيرها من هذه المنشورات.