حسين حجاج: محمد هنيدي قالي مينفعش نشتغل سوا تاني.. ومش زعلان منه هو حر

كشف الفنان حسين حجاج حقيقه خلافه مع الفنان محمد هنيدي، وذلك خلال حواره مع الإعلامية إنجي هشام في برنامج المنسي عبر قناة هي.

تحيا مصر يرصد تفاصيل تصريحات حسين حجاج

خلاف حسين حجاج ومحمد هنيدي

وقال حسين حجاج: مش زعلان من هنيدي كل الحكاية أن كان في لقاء تليفزيون وقالو لي مبيسألش عليك قولتلهم مبيسألش أنا اشتغلت معاه فيلم صعيدي في الجامعة الأمريكية وكان فيلم ناجح جدًا.

وتابع: مرة قابلته بعدها بسنة أو اتنين قولتله ايه أنت نسيتني ليه ؟ قالي مينفعش نشتغل مع بعض تاني قولتله طب ليه قالي أصل المشهد بتاعك كان حلو والناس لسه منسيتش لؤي لما الناس تنساه نرجع نشتغل تاني مع بعض.

واضاف: لقيت كلامه مش منطقي الناس لما بتلاقي حد ناجح في مشهد بتجيبه لكن ده بيقول العكس لكن أنا مش زعلان منه ولا حاجة هو حر، أنا معرفش هوا جواه ايه أنا قابلته ساعتها في هيلتون رمسيس وكان معاه ساعتها الأستاذ هاني رمزي وأنا كنت رايح أسلم على هاني رمزي.

تفاصيل برنامج المنسي

يذكر، أن برنامج " المنسي" هو برنامج على قناة " هي" تقديم الإعلامية انجي هشام، ويذاع يومي السبت والأحد في تمام الساعة الحادية عشر والنصف مساءا  ويستضيف عددا من نجوم الفن والإعلامين الذي غابت عنهم أضواء الشهرة والنجومية.

محمد هنيدي يشوق الجمهور لـ مرعي البريمو

وسبق وأن حرص الفنان محمد هنيدي على تشويق الجمهور لـ عمله السينمائي الجديد والذي أتى بعنوان “مرعي البريمو”، مشيرا إلى أنه لاحظ عدم إعجاب عدد من الجمهور بـ أعماله خلال الفترة الماضية.

وكتب محمد هنيدي عبر حسابه الرسمي بموقع التواصل الإجتماعي “فيسبوك”: أنا عارف أن في ناس ممكن ميكنش عجبها بعض الأفلام اللي فاتت، بس مع الفيلم ده بوعدكم إن هنيدي راجع بقوته من جديد مع المخرج الكبير سعيد حامد.

ويذكر، أن فيلم مرعي البريمو من بطولة محمد هنيدي إلى جانب النجوم غادة عادل وأحمد بدير، محمد محمود، علاء مرسي، مصطفى أبو سريع، نانسي صلاح، وهو فكرة محمد هنيدي، وتأليف إيهاب بليبل، إخراج سعيد حامد.