بومبا.. مصطفى شوقي يطرح أحدث أغانيه

طرح الفنان مصطفى شوقي أحدث أغانيه التي تحمل اسم «بومبا»، وهي من كلمان وألحان عزيز الشافعي وتوزيع أحمد عادل.

تحيا مصر يرصد طرح مصطفى شوقي لأحدث أغانيه.

كلمات أغنية بومبا

وتقول كلمات الأغنية:
سُكارى سُكارى
هل رأى الحب سُكارى
بعد ما تروح الحرارة
لو بياع ورد في إشارة
ولا رئيس مجلس إدارة
السقا أمير كرارة
تنزل دموعه بغزارة
المعنويات منهارة
سكينة سكينة
كلنا سرقانا السكينة
ويا عيني عليكي يا مسكينة
النحس ده ليه ماسك فينا
مين اللي خرم السفينة
الدنيا بتأسفن فينا
وحاولنا كتير أوي وحفينا
ربنا يشفيكوا ويشفينا
إيـــه.. أخباركم إيه؟؟
مزقططين ومهيصين بأمارة إيه!!
إيـــه.. حلو المزاج؟ ولا العلاج ماشيين عليه؟
بمبا بمبا بمبا يا دنيا
خدنا فيكي بومبا
رقصنا سامبا
رقصنا رومبا
وآخرة المتمة زومبا

أعمال مصطفى شوقي الغنائية

وتألق المطرب مصطفى شوقى مؤخرًا بأغنية تحمل اسم “جيبى بيوجعنى”، والتي تم طرحها بمناسبة عيد الحب، ويتعاون مصطفى شوقي في الأغنية مع الملحن بلال سرور والشاعر مصطفى حسن والموزع أماديو، وتسجيل ميكس وماستر هانى محروس.

كلمات اغنية جيبي بيوجعني مصطفى شوقي

جيبي بيوجعني جيبي بيوجعني
آه يا جيبي آه يا جيبي جيبي بيوجعني
جيبي بيوجعني شوفولي كاشير يقيس له النبض
جيبي بيوجعني ومش هيخف غير بالقبض

كان فنجري كان دفيع
بطل شرا بقى بيبيع
ألاقي فين جيب غيره يدلعني
جيبي بيوجعني
آه يا جيبي جيبي بيوجعني

ياعيني عليك آه يا جيبي
راحت فين أيام الصرف
بتمشي بفكة وكنت بتمشي بالكام ألف
راحت فلوسه لوسه لوسه
بس اتعلم من دروسه
توبة يا إفلاس
هاتولي إسعاف
ده أنا جيبي هيروح مني يا ناس

كان منفوخ كان مليان
بقى خاسس بقى هفتان
إمتى هيبقى كويس يعني
جيبي بيوجعني
آه يا جيبي جيبي بيوجعني

جيبي بيوجعني جيبي بيوجعني
آه يا جيبي آه يا جيبي جيبي بيوجعني
جيبي بيوجعني شوفولي كاشير يقيس له النبض
جيبي بيوجعني ومش هيخف غير بالقبض

كان فنجري كان دفيع
بطل شرا بقى بيبيع

ألاقي فين جيب غيره يدلعني
جيبي بيوجعني
آه يا جيبي جيبي بيوجعني