حنان مطاوع: عملت عملية الغدة الدرقية من شهر وأنا كويسة دلوقتي

طمأنة الفنانة حنان مطاوع الجمهور والمتابعين على صحتها، بعد انتشار أخبار في الفترة الأخيرة عن تعرضها لوعكة صحية، وذلك من خلال منشور عبر حسابها الشخصي على موقع تبادل الصور والفيديوهات إنستجرام.

تحيا مصر يرصد تفاصيل أحدث منشورات حنان مطاوع عبر إنستجرام

وقالت حنان مطاوع في مقطع فيديو لها: أنا أسفة جدا أني أزعجتكم وقلقتكم بالخبر اللي نزل ومش عارفة مين مصدره الحقيقة، أنا فعلا عملت عملية الغدة الدرقية، وبكرا هتم شهر عملاها، والحمد لله على كل حاجة أنا كويسة، والنهاردة تاني يوم تصوير ليا في هابي هالوين، ويارب يمتع كل الناس بالصحة والعافية، وأنا ممتنة لسؤالكم.

تصريحات حنان مطاوع في مساء دي إم سي

وسبق وأن كشفت الفنانة حنان مطاوع عن طقوسها خلال عيد الفطر المبارك، وذلك خلال لقائها ببرنامج مساء دي إم سي مع الإعلامي رامي رضوان.

وقالت حنان مطاوع: بنتي بقيت كل حاجة دلوقتي، لبس العيد بقى ليها والعيدية، أنا قبل ما أخلف أماليا كنت لازم أخد العيدية من مامتي وخالتي الله يرحمها ومن جوزي، ولو عشرين جنيه أنا راضية، وبحس أني صغيرة وبكدب على نفسي ومصدقاها، بس دلوقتي خلاص بقيت أنا اللي بدي العيدية، وبجيب ليها بمب وبنفرقع أنا وهي.

وفي الحلقة ذاتها، كشفت حنان مطاوع عن تفاصيل شخصيتها في مسلسل وعود سخية، وقالت: هي متعبة ومهلكة بس ممتعة جدا لأنها ملهاش أي علاقة بيا، بس كان فيها تحديات وتغيرات كتير وصراعات، واللي أنا حبيته فيها أنها عندها صراعات بين الخير والشر حية أوي جواها، وهي شخصية شرسة، ولما اتظلمت ظلمت.

حنان مطاوع في سره الباتع

وعلى صعيد آخر، كشفت حنان مطاوع عن الأمور التي حمستها للمشاركة في مسلسل سره الباتع، فقالت: أكتر حاجة شدتي لشخصية صفية أنها من جذورنا، وحسيت أنها رمز للأرض، وهي صفية فعلا، ومتفانية في حب الوطن والحبيب، وحسيت أني بعمل حاجة لبلدي، ومكنتش أعرف حجم الدور ايه، كان نفسي اعمل حاجة وطنية تؤرخ النضال والكفاح المصري ضد أي معتدي.