محمد أنور عن تجربته في فيلم البعبع: قعدت في الجبس 8 ساعات.. وعربية خبطتني

كشف الفنان محمد أنور عن كواليس مشاهد الأكشن في فيلم البعبع، وذلك خلال لقاء له ببرنامج الراديو بيضحك مع الإعلامية فاطمة مصطفى.

تحيا مصر يرصد تفاصيل تصريحات محمد أنور

محمد أنور في البعبع

وقال محمد أنور: الفيلم دا اتبهدلت فيه بشكل غير طبيعي، أنا قعدت 8 ساعات في جبس بجد، وفي الأخر فريق الفيلم كتبلي إهداءات عليه، وأنا ولا ينفع أكل ولا أشرب ولا أدخل الحمام.

وتابع: وأنا بولع في الفيلم وبتخبطني عربية، وكانوا بيجيبوا دوبلير بيعمل مكاني، وأمير كرارة كان بيقولي أنت عارف لو أنت اللي عملت المشاهد دي هتتسيط زي إبراهيم الأبيض، وجربت أول مرة الولعة كانت أوفر وعدت وشي، ومعنديش مشكلة أكررها تاني، وفي مشهد تاني ركبتي ورمت ورم مش طبيعي، وقومت فرحان أني ما موتش.

محمد أنور في فيلم مستر إكس

وفي الحلقة ذاتها، كشف الفنان محمد أنور عن ملامح شخصيته في فيلم مستر إكس، وقال محمد أنور: الدور كان مبني على أنه ميضحكش خالص ومكانش عندي اعتراض، وساعتها كنت بتمرن جيم، وتعبت جدا عشان لما أدخل الناس تتفاجئ، وكانوا مستغربين مني على مستوى الشكل والأداء، ولما جينا نصور مكنتش عايز الناس تكرهني فبقيت أضحك من غير قصد.

وعن حقيقة الخلافات التي حدثت بين هنا الزاهد وأحمد فهمي في كواليس الفيلم، قال محمد أنور: أحمد فهمي طول الوقت عليه مشاكل في السوشيال ميديا مش عارف ليه، واحنا عملنا عرض خاص للفيلم وكانوا موجودين، ومفيش بينهم حاجة، وهما زي العسل مع بعض، وكل دي شائعات سوشيال ميديا.

أحداث فيلم البعبع

وتدور أحداث فيلم البعبع في يوم واحد حول سلطان، وهو مجرم مخضرم تم الإفراج عنه من السجن، ليقوم بعدها بعملية تسليم آثار لصالح أحد التجار، لكنه يغدر بهم ويستولي علي الآثار والأموال ويبلغ عنهم الشرطة، ويُحضر نفسه للسفر خارج مصر، إلا أنه يفاجئ بظهور أبنائه الاثنان في منزلة القديم واللذان لم يكن يعلم عنهما شئ منذ ولادتهما، ليضطر أن يهرب بهما وسط هجوم أحد العصابات عليه.

ويشارك أمير كرارة في بطولة الفيلم، ياسمين صبري، باسم سمرة، وعدد من الوجوه الشابة.