شريف منير وخالد الصاوي ينشغلان في بروفات فيلم ليه تعيشها لوحدك

ينشغل كلا من الفنان شريف منير وخالد الصاوى في البروفات التحضيرية لفيلم "ليه تعيشها لوحدك" بحضور سلمى أبو ضيف ونور محمود و المخرج حسام الجوهرى والكاتب أحمد عبد العزيز.

تحيا مصر يرصد بروفات فيلم ليه تعيشها لوحدك.

تصريحات شريف منير 

على الصعيد الآخر، قال شريف منير عن والده: “كنت بحب والدي وبحترمه وأنا من الجيل اللي اتربى على احترام الكبير والجار فكنت بعمل حساب لأبويا، والقسوة أحيانا بتبقى مطلوبة بس مش لدرجة إنها تسيب أثر جوة الشخص ويعمل عقدة وأنا نسخة من والدي بس متطور”.

وتابع: “القسوة اللي بيني وبين أولادي مفيهاش مد إيدين أو ضرب والجيل بتاع دلوقتي مينفعش يتضرب وبيبقى فيه اقوى من الضرب وهو الخصام ده أقوى من الضرب”.

شريف منير يتحدث عن والده

وأضاف: “بعد ما أبويا مات وكبرت وخلفت وبفتكر الأيام اللي حصلت بيني وبينه بقول عنده حق ولو مكنش عمل كدة كانت هتبقى حياتي تانية خالص أنا بحبه بكل ما فيه أنا مفتقده”.

شريف منير يكشف عن علاقته بأهله

كما تحدث شريف منير عن دعم ولدته له، فقال: “أمي كانت بتشيل مشاكل على كتافها بسببي ودفعت ده تمنة كتير وهي أكتر حد في حياتي شجعني على الفن من بداية ما بدأت لحد ما احترفته، وأمي ملحقتش تشوفه ودعمت وماشفتش”.

وعن خوفه من المجهول، قال شريف منير: “مبخفش من المجهول ومليش دعوة بالغيب وأهم حاجة عندي إني مبقاش تقيل على حد لما الدنيا تبوظ مش عايز أضايف حد ولا أبقى تقيل على حد”.

وتابع: “ساعات الخسارة بتبقى مكسب، ومرة كان فيه خلاف بيني وبين حد من الوسط كبير دار على السوشيال ميديا ولو كنت كملت في إني أخد حقي منه كنت هخسر، ردلي اعتباري وتم الاعتذار ليا”.