حنان شوقي: ياريت أدخل في قصة حب.. وأنا ممكن أحمّي زوجي وأعامله زي ابني

أعربت الفنانة حنان شوقي عن أمنيتها في الارتباط مرة أخرى، وذلك خلال لقائها في برنامج "قعدة ستات" الذي تقدمه الإعلامية مروة صبري عبر قناة "القاهرة اليوم".

تحيا مصر يرصد تفاصيل تصريحات حنان شوقي في قعدة ستات

تصريحات حنان شوقي في قعدة ستات

وقالت حنان شوقي: الحكاية بين الراجل والست حرب، ودي بعيدة كل البعد عن الحب الحقيقي، وأنا بالنسبة ليا (أنا أنت)، وياريت أبقى في قصة حب، والست بـ 100 راجل، أحميه زي ابني، وألبسه وأحطله برفان وأقص له أظافره.

وتابعت: وألمع له حزائه وألبسه الشراب، وهو يعملي كده، والحبيب الزوج ده بيبقى ابني وصديقي وأخويا وأبويا وأمي وصاحبي وكل حاجة في حياتي، فأنا بفصل في تعاملاتي، وأنا لما بحب بعمل كده.

حنان شوقي ووالدها

أما عن علاقتها بوالدها، فعلقت حنان شوقي قائلة: بابا كان صاحبي من وأنا صغير، أنا بالذات عن إخواتي كان صاحبي جدًا، ولو حصل موقف حصل وحد عاكسني في الشارع وسألني عملتي إيه أقوله مردتش، يقولي شاطرة لأنك مش عايزة تردي.

وتابعت: خدت منه حنيته ورجوليته وجدعنته، وهو اللي زرع جوايا الصدق وإني أقول الحقيقة، وزرع فيا المسئولية وإزاي أتعامل، ولما أبويا انتقل لـ رحمة الله كنت صغيرة أوي وكنت محتاجة ليه، وربنا صبرني وصمدت صمود الجبال، ومكنتش مصدقة إنه انتقل إلى رحمة الله،

تصريحات حنان شوقي عن الحجاب

وسبق وأن علقت الفنانة حنان شوقي على شائعات ارتدائها الحجاب والتي انتشرت خلال الفترة الماضية، وقالت حنان شوقي: لما بتكلم عن الحقيقة بيدوروا على مخارج الشيطان اللي متغاظ، وأنا بعرف أرد على الناس وبقول مش أنت اللي خلقتني علشان تتحكم فيا، والبني آدم لما بيحب ربنا كويس جدًا عمره ما بيتعدى حدوده على الآخر، لأنه دع الخلق للخالق.

وتابعت: أنت متعرفش العلاقة بيني وبين المولى عز وجل، أنا محجبة مين قال إني مش محجبة، تقصدي لبس الشغل؟ ولا على قلبي؟ أنا محجبة سمعًا وقلبًا وروحًا وعينًا وكلامًا وأفعال، من أتى الله بقلب سليم.. أقوى حجاب في الكون اسمه حجاب الجوارح، أنا بحترم أي إنسان في الوجود، أعمل اللي أنت عايزه وحاسه بصدق، أنا لا أتعدى حدود الآخر.