ياسمين صبري توجه رسالة لـ زوجة عادل إمام: يا زين ما ربيتي

تحدثت الفنانة ياسمين صبري عن تفاصيل تعاونها مع النجم محمد إمام، وشقيقه المخرج رامي إمام، خلال لقاء لها ببرنامج ET بالعربي.

تحيا مصر يرصد تفاصيل تصريحات ياسمين صبري

تصريحات ياسمين صبري عن عائلة عادل إمام

وقالت ياسمين صبري: بوجه تحية لمحمد إمام دا تالت فيلم ليا معاه وبصراحة أنا بستمتع جدًا بالشغل معاه، احنا فاهمين بعض، وهو فاهمني أني سلسة جدًا.

وتابعت: وأستاذ رامي إمام أنا أول مرة اشتغل معاه، واتشرفت جدًا جدًا بالشغل معاه، وهو مخرج حساس وشاطر، ودمه خفيف، وبيحس أوي بالممثل.

واختتمت: وعايزة أوجه تحية لمامت رامي ومحمد إمام، هي يا زين ما ربت، وللزعيم عادل إمام يا زين ما اختار، ومحصلش نصيب أقابل الزعيم بس اتكلمنا في التلفون قبل كدا وبتمناله كل السعادة والصحة، وفي اللوكيشن معاهم بحس أني وسط عيلتي.

رد ياسمين صبري على اتهامات تقليدها لجورجينا

وسبق وأن خرجت الفنانة ياسمين صبري، للرد على اتهامات تقليدها للأرجنتينية جورجينا رودريجز حبيبة كريستيانو رونالدو، وذلك خلال لقائها في برنامج ET بالعربي.

وقالت ياسمين صبري: في 2015 كنت ابتديت أتشهر ساعتها شبهوني بـ كيم كارداشيان، لأن كيم كانت هي اللي في الصورة، دلوقتي هما نقلوا لا هي بتقلد چورچينا، أنا نفس الست بس هما غيروا أنا بقلد مين.

وأضافت: مش مشكلة اللي يقول يقول واللي يعمل يعمل المشكلة مش من عندي المشكلة في اللي بيعلق وبينتقد، وعلى الأقل مش بينتقد حاجة تهيني، يعني لما مبيكونش فيه حاجة تتقال هو ده اللي بيتقال.

أعمال ياسمين صبري القادمة

وتنتظر ياسمين صبري عرض في فيلم أبو نسب، في السينمات قريبًا، من بطولة محمد إمام، ياسمين صبري، ماجد الكدوانى، وفاء عامر، هالة فاخر، محمد لطفي علاء مرسى، وعدد آخر من الفنانين، ومن تأليف أيمن وتار وإخراج رامى إمام ويجمع الفيلم بين ياسمين صبري ومحمد إمام للمرة الثالثة فى السينما، بعدما قدما سويًا فيلمى "جحيم فى الهند" عام 2016 و"ليلة هنا وسرور" عام 2018، وحقق الفيلمان نجاحاً كبيراً على المستوى الجماهيرى ومستوى شباك التذاكر.