أنا في بيتي.. أول تعليق من حسن شاكوش بعد أنباء التحفظ عليه: ياريت تاخدوا المعلومة من مصدر موثوق

خرج مطرب المهرجانات الشعبية حسن شاكوش في فيديو عبر حسابه الرسمي بموقع التواصل الإجتماعي فيسبوك، ليرد على أنباء تمكين زوجته ريم طارق من منزله والتحفظ عليه، مشيرا إلى أنه لازال في منزله رفقة أهله.

تحيا مصر يرصد في ذلك التقرير أول تعليق من حسن شاكوش بعد أنباء التحفظ عليه

حسن شاكوش يرد على زوجته ريم طارق

وقال حسن شاكوش خلال البث المباشر: أنا في بيتي ومعايا اهلى منورني في بيتي النهاردة، هما نادرا أما بيجوا بس جم زاروني النهاردة، وبرجوا منكم انكم تاخدوا المعلومة من مصدرها الأساسي ويكون مصدر موثوق منه.

وتابع حسن شاكوش في الايف: أنا اتربيت على احترام بنات الناس وعمري في حياتي ما ضايقت ولا عملت مشكلة مع حد، ولو حد شافني بأذي واحدة او بضايقها يطلع يقول.

ريم طارق تستغيث بسبب حسن شاكوش

وكانت قد خرجت ريم طارق في فيديو بث مباشر على صفحتها بموقع انستجرام، قالت فيه:  معايا قرار تمكين من جهات التحقيق، ومش عارفة أتمكن من الفيلا وأخوه وابن اخته قاعدين، ومنتظرين من أربع ساعات ومش عارفين ندخل ومش عارفة اخد هدومي لأنه مستولي عليهم، أنا ما قلتش سبب المشاكل لحد دلوقتى وما عملتش حاجة غير أني جاية اخد هدومي لأني كنت ممنوعة من الدخول، ومش عارفة أنفذ قرار التمكين، وهو بيشتمني قدام الناس وبهدلني وسط الشارع، وده المكان اللي ساكنين فيه وقاعدين فيه لوحدينا وهو جاب أهله وأنا مش معايا حد من أهلي.

واختتمت حديثها، قائلة: أنا رفعت قضية باللي حصل بيني وبين حسن شاكوش ومش هتكلم في اللي حصل لأنه حاجة كبيرة وما ينفعش تتقال، ويمكن أحكي اللي حصل يا عالم.

أزمة حسن شاكوش وريم طارق

يذكر، أنه بدأت أزمة حسن شاكوش وزوجته ريم طارق بـ تحرير الأخيرة محضرًا ضد مطرب المهرجانات، وذلك داخل قسم شرطة أول أكتوبر، حيث اتهمته بسرقة مشغولاتها الذهبية وطردها من المنزل، وكان بلاغ ورد لضباط مباحث قسم شرطة أول أكتوبر من ربة منزل تتهم زوجها حسن شاكوش المطرب، بالاستيلاء على أموالها وسرقة ذهبها وإيصال أمانة مؤخر الصداق، وعفش الزوجية بعد نشوب خلافات بينهما، وطردها من المنزل وتهديدها بالطلاق.

بينما تقدم حسن شاكوش في البلاغ لضباط مباحث قسم شرطة أول أكتوبر، مشيرا إلى أن زوجته قامت بالاستيلاء على مبلغ مالي وهرب من المنزل، وذلك بعد ما قامت بالكشف عن طردها من منزل حسن شاكوش.