عصام عمر يكشف معاناة بدايته الفنية: سقطت في اختبارات المسرح وقعدت 6 سنين مش بيجلي مشاهد

حل الفنان عصام عمر ضيف على برنامج “صاحبة السعادة”، الذي تقدمه الإعلامية إسعاد يونس على شاشة قناة DMC، والذي تحدث خلاله عن معاناته مع دخوله الوسط الفني والتمثيل.

تحيا مصر يرصد في ذلك التقرير تصريحات عصام عمر مع إسعاد يونس

عصام عمر: قدمت في قسم مسرح وروحت عملت الاختبار مقبلونيش واكتئبت 

وبدأ عصام عمر في حكي قصته مع المسرح، حيث قال: سقطت في اختبارات قسم المسرح ودخلت في اكتئاب وقولت مش همثل تاني لكن في ناس كتير شافوا فيا الموهبة واتوسطولي اعيد الاختبارات تاني وبعدها نجحت، وكنت دايما بسمع جملة عادي ما الموهبين كتير اشمعنا انت هتعمل حاجة و بعد 6 سنين محاولات حسيت ان ده مش مكاني لأن مكنش بيجيلي مشهد واحد.

عصام عمر: هجرت لـ أمريكا بسبب اليأس وقولت مش هعمل حاجة الا في مصر

وتطرق بحديثه عن الهجرة خارج مصر، فقال: سافرت أمريكا ومعملتش حاجة ومكنش معايا فلوس ولا شغل وخوفت ارجع يقولوا يعني حتى هناك معملتش حاجة، كانت حياتي ادور على شغل الصبح وارجع بالليل أبات عند صحبي، وبعدها صحبي لقالي شغل في مكان خوفت منه اوي وقالولي في 3 ظباط مقتولين هنا وكانت المنطقة دي من أخطر المناطق في نيويورك، وبعدين قولت هروح أعمل قصة، وعرضوا عليا أعمل في أمريكا لكن قولت لا مش عايز، أنا عايز أعمل للناس في مصر اللي بفهمهم وبيفهموني، وببقى في قمة ساعدتي وأنا بفترج على فيلم بيلمس حياتي فأكيد في ناس كتير كدة.

عصام عمر في بالطو

وكان قد تألق عصام عمر في مسلسل بالطو الذي دارت قصته حول الطبيب عاطف كامل محمد ويجسد شخصيته الفنان الشاب عصام عمر، أنه بعد تخرجه جاء تكليفه أن يكون طبيبًا في أحد المراكز الطبية في قرية ريفيه بمحافظة كفر الشيح، وبالفعل يذهب ليقوم بمهام عمله ولكن يتفاجأ بأن يصبح هو مدير الوحدة الصحية بعد وفاة المدير الرئيسي، ليمر بالعديد من المواقف والمفارقات الكوميدية.

شارك في بطولة مسلسل بالطو عدد كبير من الفنانين  وضيوف الشرف ومنهم: مريم الجندي، عارفة عبد الرسول، عصام عمر، محمد محمود، محمود حافظ، دينا سامي، بالإضافة إلى عدد من ضيوف الشرف “محمد رضوان، خالد الصاوي ومحمد لطفي ومحمود البزاوي”.