علي الحجار عن مدحت صالح: احنا مش عيال صغيرة عشان تصالحونا على بعض

تحدث المطرب علي الحجار عن خلافه مع المطرب مدحت صالح بسبب مشروع إحياء التراث، وذلك من خلال مداخلى هاتفية له ببرنامج الستات على شاشة تلفزيون قناة النهار.

تحيا مصر يرصد تفاصيل تصريحات علي الحجار

تصريحات علي الحجار عن مدحت صالح

وقال علي الحجار: مدحت صالح بالنسبالي فنان كبير ومغني وأنا بحب منه أغاني كتير، لكن فكرة 100 سنة غنا دي فكرتي وهو عارف، ومدحت صالح بيطلع بنفسه في برامج كتير ويقول مدحت صالح أستاذي.

وتابع: وهو عارف مشروعي.. وواخد المشروع كوبي بيست.. احنا مش عيال صغيرة عشان تصالحونا على بعض، الموضوع متجاوز أكتر من كدا.

زوجة علي الحجار: مش هنسيب حقه وهيفضل وراه

وسبق وأن تحدثت زوجة الفنان علي الحجار عن دعمها له في أزمة مشروع 100 سنة غنا، والذي أثير الجدل الفترة الأخيرة، كما كشف عن شخصية علي الحجار معها.

وقالت هدى زوجة علي الحجار مع الإعلامية سهير جودة عبر صفحتها على موقع التواصل الاجتماعي فيسبوك، على هامش حفله بالأمس: أي حد يتخيل نفسه عنده مشروع مهم وبيحضر ليه وقاعد يشتغل عليه طول العمر، وفجاة حد يروح طالع بيه وعايز ينجح بيه واللي حواليه يدعموه بيه.

وأضافت يعني وجع قلبه عنده حق، وهنفضل وراه لغاية ما ياخد حقه، على لا بيخاف من حاجة ولا بيعمل حساب لحاجة إلا لربنا وشغله وضميره، مش هيضر ومش هيأذي.

أبرز تصريحات علي الحجار في حديث القاهرة

وعلى صعيد آخر، حل المطرب علي الحجار ضيفًا على برنامج حديث القاهرة، الذي يقدمه الإعلامي خيري رمضان، عبر شاشة تلفزيون قناة القاهرة والناس، وأثناء الحلقة تحدث الفنان عن الكثير من الأمور التي تخص ذوقه الموسيقي، وتشابه مشروعه مع مشروع المطرب مدحت صالح، ومن أبرز تصريحاته:

• بسمع أغاني المهرجانات لحسن شاكوش وحمو بيكا وعمر كمال، وكمان الراب لويجز، لما أبقى متابع بس مش ده المزاج
• أنا مش من سميعة لون الغناء بتاع عمرو دياب.. وهو تلميذ أبويا وكان بيعمله الغناء
• فخر ليا كمصري إن عمرو دياب المطرب المصري المتربع على عرش الغناء في المنطقة العربية
• فنيًا معرفتش أدير موهبتي بطريقة الذكاء الاجتماعي
• مدحت صالح عارف إني بعمل مشروع الإحياء ده من 2002 وكل كلمة بيقولها في مشروعه متطابقة مع مشروعي وأتمنى منوصلش للقضاء