عمرو مصطفى: الجيتار موجود من قبل ما اتولد لكن أنا عملته بطل أساسي في الأغنية

خرج المطرب والملحين عمرو مصطفى لـ يوضح حقيقة تصريحه الأخير والذي قال فيه “أنا اللي دخلت الجيتار مصر”، مشيرًا إلى أن الجيتار ألة موجودة من قبل ولادته منذ أيام الكبير عمر خورشيد.

تحيا مصر يرصد في ذلك التقرير توضيح عمرو مصطفى تصريحه أنا اللي دخلت الجيتار مصر

عمرو مصطفى عن تصريحه بشأن الجيتار: مش مقصود واتفهم غلط

وقال عمرو مصطفى في منشور عبر حسابه الرسمي بموقع التواصل الإجتماعي “فيسبوك”: توضيح  بتصريحي (دخلت الجيتار مصر ) المقصود من التصريح ان اله (الجيتار )اصبحت بطل اساسي في الاغنيه ولكن الجيتار من قبل ما تولد موجود لدي العبقري عمر خورشيد والفنان الكبير حميد الشاعري وده توضيح فقط لان كله ساب اهداف للحقوق المبدعين ومسكوا في تصريح غير مقصود واتفهم غلط وشكرا.

خلاف عمرو مصطفى ورامي صبري

من ناحية أخرى، كان قد نشب خلاف قوي بين عمرو مصطفى ورامي صبري وذلك بعدما اتهمه عمرو مصطفى بسرقة لحن أغنيته، ليرد عليه رامي صبري في تصريحات تليفزيونية، قائلا: أنا عامل أغنية يمكن خير في سنة 2013 بعد الثورة، وهي لحد من أسبوعين كانت رقم 1 قعدت 4 شهور رقم واحد . مش رامي صبري اللي يسرق لحن ولو هو يعرفني كويس مش هيتهمني الاتهام ده وممكن يكون فيه توارد أفكار وفيه 10 ألحان ممكن يكون فيهم جملة شبه التانية، ملحن كبير زي عمرو مصطفى مينفعش يطلع يقول على فنان وملحن مش صغير ومطرب مش صغير أنه سارق أنا مكانتي مش صغيرة في الوسط. عمرو خريج كلية حقوق، وأنا خريج معهد موسيقى عربية قسم تأليف موسيقى يعني لما تيجي تتكلم عن متخصص وانت خريج حقوق يعني لازم تعرف انت بتتكلم عن مين. أنا لو مركز معاه هاحبسه بالقانون.

رامي صبري عن عمرو مصطفى: مفيش حد فينا عجبه ولو هرد عليه هقوله ركز في شغلك

وتابع حديثه: ولكن أنا بكبر دماغي أنا مش بتاع خناقات ولا دي طريقتي ولا هرد عليه بطريقته وهقوله ربنا يهديك وركز في شغلك اكتر واعملنا شغل حلو’ عمرو مصطفى لما يغير من نجاح حد بيطلع يخبط في الناس، ومفيش حد فينا عاجبه، كلنا واقعين وبنسرق أغانيه، أنا موسيقار زي عمر خيرت وياسر عبد الرحمن، والأستاذ لما يكلم الطالب مش هنتساوى، ولو أنا عندي مشاكل نفسية مش هخليه يشتغل بالقانون.