إيمان العاصي: شكلي الحلو ضرني وبيجيلي عروض زواج كتيرة

كشفت الفنانة إيمان العاصي أن ملامحها البريئة تسببت لها في الضرر وقيام المخرجين بحصر أدوارها في الفتاة الحسناء فقط، كما كشفت تلقيها العديد من عروض الزواج خلال الفترة الأخيرة.

تحيا مصر يرصد لكم تصريحات إيمان العاصي

وقالت إيمان العاصي خلال استضافتها في برنامج عرب وود:  وشي الهادي والكيوت مساعدنيش بالعكس ضرني، وشكلي الحلو حصرني في أدوار الفتاة  الجميلة اللي بتعيش قصة حب وتقطع شراينها علشان اللي بتحبه.

إيمان العاصي: بيجيلي عروض زواج كتيرة

وكشفت إيمان العاصي أنها تتلقى عروض زواج كثيرة موضحة: الناس عارفه إني بخاف من الجواز ومن كام يوم واحد قالي إن هو مصمم يتجوزني وأنا ضحكت عادي وبيجيلي عروض جواز كتير.

إيمان العاصي تكشف مواصفات فتى أحلامها

كما كشفت إيمان العاصي عن مواصفات الشخص التي تريد الزواج منه قائلة: عايزة اللي اتجوزه يبقى إنسان صادق ومخلص وجدع ومثقف وحنين.

وفي سياق متصل، كانت قد كشفت الفنانة إيمان العاصي عن حنينها لوالدها، وتفاصيل تجاربها العاطفية، وذلك خلال لقاء لها ببرنامج بلا تصنيف الذي يعرض على شاشة تلفزيون قناة lbc، وقالت إيمان العاصي: نفسي أشوف أبويا، هو مات من سنتين، ومش عارفة لسه اتعود، اتعريت يعني، ومكنتش متوقعة أنه هيموت خالص، ومكنتش بعرف أقوله بحبه.

تجارب إيمان العاصي العاطفية

وعن إمكانية زواجها مرة أخرى قالت: أنا مش جاهزة اتجوز مرة تانية، وعمري ما كنت عايزة اتجوز، ودلوقتي عايزة صديق، ومؤخرا بحس نفسي وحيدة،.

وكشفت:مرة قلبي دق عشان بنتي لأنها محتاجة الرجل في حياتها، ففي مرة حد دخل حياتي وعلاقته كانت حلوة ببنتي جدًا وارتبطت بيه، وهو كان شخص كويس بس مكنش مناسب ليا، والتاني كان حالة وعيشتها وخوضت التجربة كاملة بس زي نسبة كبيرة جدًا من الرجالة طلع كداب واتعلقت بيه بس حب لا، قالي أنه مطلق بس طلع متجوز، وأنا مقبلش دا على نفسي، ومستحيل أرجع لأبو بنتي، وفقدت حريتي بعد الجواز، ومش بثق في حد ولا في راجل ولا في ست، ومحدش يستاهل ثقة حد عموما.