برنسة عبد الغني: نفسي اشتغل لكن أشرف زكي قالي أنتي مش خريجة معهد وعمرو ياسين ضيع ملخص حياتي

أدلت الفنانة برنسة عبد الغني بعدة تصريحات خلال حلولها ضيفة على برنامج المنسي الذي تقدمه الإعلامية إنجي هشام عبر قناة هي.

تحيا مصر يرصد تصريحات برنسة عبد الغني.

تصريحات برنسة عبد الغني

وقالت برنسة عبد الغني: اشتغلت مع ميمي جمال، مع الله يرحمها احلام الجريتلي، مع نوال سمير، والفنانة عبير الدميري بس مش دايما بيبقي في شغل.

برنسة عبد الغني في برنامج المنسي

وتابعت: الدنيا اتغيرت والوسط اتغير بقت شللية وعزايم وجمايل وسهرات مين ليه في الحاجات دي؟ اللي ليه مبيشتغلش واللي ملوش بيقعد أنا بقالي سنه مشتغلتش ".

وأضافت: في أفلام شغالة في السوق محدش طلبني وبتصل بالمكاتب بيقولولي أن شاء الله يا حجه وفي ريجسير بصعب عليه وريجسير مبيشغلنيش.

واستطردت: بحب ياسر جلال فنيا وإنسانيا لأنه بيساعدني ومسلسله السنادي كان جميل أوي.

واستكملت:  كنت عايزة  قصة حياتي تتعمل في عمل فني وكتبت خمس صفحات واديتهم للمؤلف عمرو محمود ياسين على أساس هو يكمل لاني كتبت ملخص خدها ضيعها وقالي كده لما كلمته ولو هعمل قصة حياتي هختار مريم نعوم.

وأوضحت :', فيلم خالتي فرنسا أقرب فيلم لقلبي من اللي شاركت فيهم ونفسي اتواصل مع عبلة كامل واكلمها ست الله يباركلها في بناتها ست جميلة اوي.

أمنية برنسة عبد الغني 

و عن أمنيتها الفترة المقبلة قالت:' نفسي ازور النبي أنا حجيت مرة وعملت ١٢ عمرة لكن نفسي ازور الكعبة، وفي الوسط الفني نفسي يشغلوني بدل ما هما مقعدني، ولجأت للدكتور أشرف زكي قالي انتي مش خريجة معهد قلتلوا بس انا خريجة خبرة.

وأشارت إلى أن:' الريجسير ابراهيم عمران كان عاملنا نقابة المحامين كان فيها ٧٠٠٠ وكنا كل سنة بتدفع للوس عشان الكارنين يطلع وقفلها عشان كان في فنانين بتساعد ووقفت وكان بدبفع إيجار الشقة من معاه وبقالنا تلت سنين مينظفعش ولا بتاخد كاريننات لكن لما بيكون قدامه حاجه بيجبني .

وتابعت :' رضا عاشور وعبد المنعم معتوق وناصر الشرقاوي اكتر تلاتة بيشغلوني، والحمدلله ملجأتش لحد ومشغلنيش لكن بيتقالي مفيش حاجه تنفع لسنك فانا بقولهم سالوني قعدوني على هسار أو على فاكهه في كذا حاجه في الحارة.

برنامج " المنسي" هو برنامج على قناة " هي" تقديم الإعلامية انجي هشام، ويذاع يومي السبت والأحد في تمام الساعة الحادية عشر والنصف مساءا  ويستضيف عددا من نجوم الفن والإعلامين الذي غابت عنهم أضواء الشهرة والنجومية.