تأثر مصطفى قمر خلال تشييع جنازة عمته بالإسكندرية

وصل  جثمان عمة الفنان مصطفى قمر إلى مسجد العمري و شييعت الجنازة بمقابر الأسرة بالعمود بالإسكندرية، حيث ظهر الفنان متأثرًا.

تحيا مصر يرصد تأثر مصطفى قمر في جنازة عمته.

وفاة عمة مصطفى قمر 

وكان أعلن النجم مصطفى قمر وفاة عمته اليوم، الاثنين، عبر حسابه على إنستجرام، وكتب، "البقاء لله إنا لله وإنا إليه راجعون.. توفيت إلى رحمة الله عمتي الغالية السيدة الفاضلة أمى الثانية عواطف محمد حسن قمر ربنا يجعل مأواها الجنة ادعوا لها بالرحمة والعفو والمغفرة".

تصريحات مصطفى قمر 

على الصعيد الآخر، قال مصطفى قمر خلال استضافته في برنامج أنغام: كنت ساكن في مكان شعبي في المنشية في اسكندرية  وكنت ساكن في بيت عيلة وكانت احاسيس حلوة متتكرش وذكريات كتير.

وتابع: وانا في 4 ابتدائي كان عندي مُدرسة اسمها أم كلثوم قالت مين يحب يعزف على آلة المندولين رفعت ايدي وانا كنت بتكسف بس بدأت اتعلم مندوبين وبابا جابهولي من واحد بتاع روبابكيا، وبعدها اتعلمت جيتار.

واستطرد: بابا قالي على اغنية فيها كلمتين خارجين وأنا صغير كنت بحفظ الكلام  وقالولي في الحضانه قول نشيد وانا افتكرت الاغنية اللي بابا قالها وقولتها في الحضانه وساعتها جابوني وقالولي مين حفظك النشيد ده وجابوا بابا وحصل مشكلة.

مصطفى قمر في برنامج أنغام 

وأضاف: أنا عملت نفس الموقف ده مع إياد أبني ومرة كنا في المنتزة في اسكندرية وبنتفرج على قصر الملك فاروق وأنا قولتله ده قصر جدك وراح قال لكل صحابه أن جده الملك فاروق.

واستكمل: أنا عندي 4 أخوات وأخويا الصغير علمته جيتار وغنى وعمل ألبوم بس الموضوع ممشيش معاه وسافر أمريكا وحاليًا هو دكتور علاج طبيبعي بس بطلعه معايا على المسرح يغني في حفلاتي في اسكندرية.

وأضاف: كنت كل يوم في ثانوي ببص في السقف واتخيل اني عبد الحليم حافظ  واعمل أفلام وأغني وكنت بستنى اروح انام عشان اعيش الحلم الجميل ده لغاية ما روحت الجامعة وبدأت مشواري الغنائي.