أحمد داش عن المخرج محمد سامي: الرهان في العمل معاه كسبان

تحدث الفنان أحمد داش عن المخرج محمد سامي وتعاونهما سويًا في مسلسل جعفر العمدة الذي عرض في السباق الرمضاني المنقضي 2023 وحقق نجاحًا كبيرًا.

تحيا مصر يرصد لكم تصريحات أحمد داش

وقال أحمد داش خلال استضافته في برنامج KWN Trending والمذاع على قناة القاهرة والناس: المخرج محمد سامي من أقوى المخرجين في الأعمال الدرامية التجارية في مصر، احنا بنشتغل مع محمد سامي عشان العالم العربي كله يشوفنا مش في مصر بس، والرهان في العمل معاه كسبان.

أحمد داش عن محمد سامي: اتعلمت منه كتير في الشغلانة

وتابع: اتعلمت منه كتير أوي في الشغلانة وأي مخرج هو المسؤل الأول والأخير في العمل واحنا كممثلين بنساعد المخرج يؤدي الرؤية بتاعته.

وأكد أن دوره في مسلسل «جعفر العمدة»، كان فارقًا في مشواره الفني؛ لأنه كان سبب في معرفة الجمهور العربي كله له، فضلًا عن تخطي نسب مشاهدته لمسلسل «البرنس»، الذي يعتبره عملًا مهمًا في مسيرته من حيث أهميته في الوسط وأجره المادي.

كواليس مسلسل جعفر العمدة

وفي سياق متصل، سبق وكشف داش كواليس مسلس جعفر العمدة وقال في حوار له مذاع على الصفحة الرسمية لشركة ميديا هب - سعدي جوهر عبر فيسبوك: اشتغلت مع محمد سامي 3 مرات، الكواليس جميلة، يعني الحمد لله، المسلسلات مع سامي بتبقى ناجحة، وهو مخرج تجاريًا ناجح بشكل كبير، وبيعرف يوصل للناس، وبيديهم الحاجات اللي عايزين يشوفوها وهما قاعدين في بيوتهم، وبيعرف ينجح مع الشارع بشكل كبير.

وعن محمد رمضان قال: الكواليس مع أي ممثل جامد بتبقى حلوة، والشغل بيطلع جامد، وهو ممثل جامد وبيسمع اللي قدامه، وبيتفاعل على اللي بيشوفه، والشغل معاه ممتع دايما.

كما أكد داش على أنه غير متفاعل على السوشيال ميديا، وقال: أنا مش نشيط خالص على السوشيال ميديا، والناس اللي شغالين معايا بيتخانقوا معايا، وأنا مش بنزل حاجات كتير ومش بروج لنفسي.

مسلسل جعفر العمدة

يذكر أن مسلسل جعفر العمدة عرض في السباق الرمضاني المنقضي وحقق نجاحًا كبيرصا وكان يضم عدد كبير من النجوم ومنهم: هالة صدقي، إيمان العاصي، زينة، مي كساب، منة فضالي وأحمد فهيم وجوري بكر.