حد يوصلني بدكتور فورًا.. بسنت النبرواي تستغيث بالجمهور بعد تعرض والدها لأزمة صحية

طالبت الفنانة بسنت النبراوي المساعدة من جمهورها، لإنقاذ والدها حيث يحتاج طبيب كبد يباشر حالته الصحية.

تحيا مصر يرصد استغاثة بسنت النبراوي.

أزمة والد بسنت النبراوي الصحية

وكتبت بسنت النبراوي عبر حسابها الرسمي بموقع التواصل الاجتماعي فيس بوك: بابا تعبان جدًا، محتاجة حد يوصلني بدكتور كبد وجهاز هضمي فورًا.

تصريحات بسنت النبراوي بشأن المساكنة

على الصعيد الآخر، قالت بسنت النبراوي خلال لقائها بموقع تحيا مصر عن تصريحاتها بشأن المساكنة: أنا كنت في برنامج والمذيعة قالتلي ايه رأيك في المساكنة، فقولتلها والله أنا برفضها رفض تام لأنها حرام شرعا وأنا مقبلهاش على حد أبدا، فاتسألت أنتي رافضة المساكنة عشان الدين ولا عشان المجتمع، قولتلها كل ما سبق، والأهم من كل دا وعلى رأسهم الدين، لكن لو كانت حاجة حلال كان ساعتها من حق أي حد أنه يفكر يعملها.

وتابعت: وكلامي كان واضح جدا أن أنا برفض المساكنة، وبعض الصحف خدت الكلام من على لساني وحورته لكلام مختلف أن أنا موافقة على المساكنة وبشجع عليها، وأنا قولت لو الدين موافق على المساكنة مش هيهمني رأي المجتمع.

وكانت قالت بسنت النبرواي إنها كانت تقدم فيديوهات طريفة على السوشيال ميديا، وتقلد من خلالها العديد من الشخصيات، وتسبب فيديو حديثها باللهجة الشرقاوية لها في شهرة كبيرة داخل الوسط الفني، وعرفها من خلاله الفنان أكرم حسني وشاركت بعدها معه في مسلسل الوصية.

وتابعت عن انفصالها: انفصلت عشان بتلاقي حاجات بعد كدا مش مناسبة ليكي إطلاًقا، ربنا بيقولك الحقي قبل ما يبقى فيه أطفال.. مقدرش أعالج شخص يعني لو اتجوزت شخص وبعد الجواز أكتشفت أنه مدمن ف مش هقدر أغيرها.

وعن رأيها في المساكنة أضافت: مرضاش بالمساكنة.. عشان حرام دينيًا كان لو من غير الدين كنت هقول أوك، الحاجة لو الدين مش محرمها يبقى المجتمع مش شرط أمشي على كلامه.

تعرض بسنت النبراوي للتحرش

وأوضحت بسنت النبرواي، إنها تعرضت لعدة مضايقات عندما كانت تعمل مضيفة في الطيران، ودائمًا تعرف كيفية التعامل في تلك المواقف، حتى إذا تعرضت للتحرش من الممكن أن تستخدم مهاراتها في التيكوندو في ضربه.