29 يونيو.. علي الحجار يحيي حفلًا غنائيًا في ساقية الصاوي

يستعد الفنان علي الحجار لإحياء حفلًا غنائيًا في ساقية الصاوي، وذلك يوم 29 يوليو المقبل، في تمام الساعة الثامنة مساء حتى الـ 11 مساء، بشرط ممنوع دخول الأطفال تحت الـ 6 سنوات.

تحيا مصر يرصد تفاصيل حفل علي الحجار في ساقية الصاوي.

من جانبه، كان حل علي الحجار ضيفًا على محطة راديو "إنرجي" مع المذيعة زهرة رامي، وأثناء الحلقة تحدث علي الحجار عن الكثير من الأمور التي تخص حياته الشخصية والفنية أيضًا، وفي ذلك التقرير سيرصد موقع تحيا مصر أبرز تصريحاته في الحلقة.

أبرز تصريحات علي الحجار في راديو إنرجي

- أنا مؤمن بإنه بني آدم حلو وقلبه أبيض ولا بيغير ولا بيضايق من نجاح غيره

- لو جيت أغني اللي بيقدمه تامر حسني الأغنية هتسقط

- لا صوتي زي صوت تامر حسني ولا إيقاع أغانينا شبه بعض ولكنه لما غنى عارفة قدمها بصوته وبطريقة حلوة جدا

- أنا اتجوزت كتير ودي حاجة منصحش عدوي بيها

- كتير طلبوا مني الترشح لمنصب نقيب المهن الموسيقية لكني رفضت تمامًا ومنهم سكرتير النقابة

- أنا معنديش ذكاء اجتماعي ودي مسئولية كبيرة والقرى والنجوع والمحافظات مليانة فنانين وموسيقيين

- أنا غير معترف بالمشاهدات وتحقيق التريند أسهل شيء ولو مشيت في ميدان الأوبرا من غير هدوم هبقى تريند

- غير متفق مع قرارات الفنان هاني شاكر بخصوص منع عدد من المغنيين مؤخرًا

- العازف عبد الله حلمي ثروة زي الأهرامات، وكان لازم تتكاتف الدولة كلها لعلاجه

- سمعت أغنية امبارح لحماقي غريبة شوية وهو نجم مش محتاج ينزل للمستوى ده عشان الشباب يسمعوه

أعمال علي الحجار الغنائية

وطرح الفنان علي الحجار، أحدث أغنياته التي تحمل اسم ست الودع  باللهجة الصعيدية عبر قناته الرسمية على موقع الفيديوهات الشهير يوتيوب.

أغنية ست الودع للفنان علي الحجار 

أغنية ست الودع من كلمات الشاعر محمد العسيري، وألحان ممدوح صلاح، وتوزيع إسلام رفعت.

كلمات أغنية ست الودع
وتقول كلمات مطلع الأغنية:

اللي هويتها وعشقها دوم

بايتة ف حصيري ومنعاني

جناينها طرحت مر ودوم

وشربته لما لكيعاني

القرب منها شرد ورعد من طوبة

والفرقة حرقة وصهد ورطوبة

صادقة ومحتالة

وبتمنميت حالة

بين سيل وقيالة

شارياني بايعاني