اكتشفت 9 أورام خبيثة في الرحم.. حورية فرغلي: أكتر حاجة مزعلاني أني مش هبقى أم ومحدش فكر يسال عليا

فجرت الفنانة المصرية حورية فرغلي عدة تصريحات خلال مداخلة بحلقة اليوم من برنامج مساء دى إم سى مع الإعلامية إيمان الحصرى حول استئصالها للرحم.

تحيا مصر يرصد تصريحات حورية فرغلي. 

تصريحات حورية فرغلي

وقالت الفنانة حورية فرغلى: من 15 سنة شيلت 7 أورام من الرحم والدكتور أعطانى فرصة للزواج خلال 10 سنوات ولكن الفن أخدنى ولم أرتبط، وأنا لسه راجعة من أبو ظبى وروحت أزور حد فى المستشفى وفوجئت بدم كثير ودخلت للدكتور يكشف عليا ولقيت الدكتور بيقوللى بكرة إنتى لازم عمليات، ووالدى قعد يقولى الموضوع سهل خالص، أورام هنشيلها بالمنظار، ولكن الوضع غير كده خالص، عندى 9 أورام فى الرحم وكان لازم يشيل الرحم بالكامل.

ازمة حورية فرغلي الصحية

وتابعت : كان نفسى أخلف لكن الحمد لله أنا لسه واقفة على رجلى والحمد لله هرجع للفن تانى وبقول للناس اللى بتدعيلى لو كنت كويسة ده بسبب دعاكم، الدكتور شال كل حاجة.

وأضافت: انا زى الفل الحمد لله وخرجت من المستشفى أول أمس وبقيت أمشى الحمد لله وان شاء الله الاخبار والمداخلات القادمة تكون عن الاعمال، انا ووالدتى كنا فى المستشفى محدش فكر أصلا ييجى يزورنى وأكيد ووكيل اعمالى هو اعلن الخبر وكنت انتظر اى حد اعرفه ييجى يزورنى لكن الحب والحنية مش بتتشحت ووالدتى بالنسبالى هى الدنيا كلها.

حقيقة خطوبة حورية فرغلي 

وكانت قالت الفنانة حورية فرغلي: "نزار الفارس ممثل فشل لو كان بيمثل إنه بيحبني، ولما اتقابلنا مكنش معجب بيا خالص، وطول الوقت ماسك تليفونه، وبيبص فيه ومشغول وكإني مش قاعدة معاه".

وأضافت خلال لقائها ببرنامج "صبايا الشمس" الذي تقدمه الإعلامية ريهام سعيد بقناة "الشمس": "نزار الفارس سألني بيقول ليه انتي بتحبي ماجد المهندس، فقلت له أيوة بسمع أغانيه، فقال لي هسمعك أجدد أغانيه، وشغل الأغنية وفيه واحد كان ماسك تليفون من بعيد وهو بيصور، وبعدين طلب مني ممكن الرقصة دي، فقمت والله العظيم اتفاجئت وراسه عند كتفي، فأنا ضحكت غصب عني ومكنش قصدي فقلت له: ده انت قصير أوي".