إيناس مكي: ويجز لفت انتباهي لكن أحمد مكي في حتة لوحده

كشفت الفنانة ايناس مكي عن رأيها في مطرب الراب ويجز وجيل الرابر الجديد خلال حوارها مع الإعلامية انجي هشام في برنامج المنسي عبر قناة هي.

تحيا مصر يرصد رأي إيناس مكي في ويجز. 

تصريحات إيناس مكي 

وقالت إيناس مكي :' ويجز بحبه جدا ولفت انتباهي،خلال حوارها مع الإعلامية انجي هشام في برنامج المنسي عبر قناة هي  ومستغربتش اللون بتاعه وشدني أنا شخصيا و ماشاء الله الجيل الجديد لقيتهم حافظين كل الجمل ورا بعض".

مقارنة أغاني أحمد مكي وأغاني الراب الأخرى

وعن فكرة مقارنة أغاني شقيقها أحمد مكي وأغاني الراب التي تقدم حديثا تابعت: أحمد في أغاني الراب أو التمثيل أو الكتابة في حته لوحده، 3/4 مطربي الراب بيشتروا الكلمات لكن احمد مكي بتكون فكرته وهو اللي بيكتب الكلمات وأغنية ولعانه كانت إخراجه ودي هتتحسبله إن سكه الاخراج دي أول حد يعملها في مصر هو أحمد.

وكشفت مكي عن المشاريع التي تتمناها الفترة المقبلة مشيرة أنها تتمنى عمل فيلم سينمائي عن هذا الجيل وعن معاناة السيدة المصرية التي تعاني مع أولادها، ومشاكل الرجال الذين لا يتحملوا المسئولية

وقالت عن الهجوم على شقيقها بسبب  الكبير أوي ٧: كان في تصدير مبالغ فيه ويأكدلك أنه مش جاي طبيعي وحسيت أن دي شريحة متجيش ٣٪ الناس في الشارع حافظة الحلقات بالايفهات ازاي اسمع لدول؟ علشان كده بقولك ده نجاح.

وتابعت: ساعات بنصحو بس لما بياخد رأيي ويجي يسألني يعني أغلب الاغاني كان بيسمعني ويقولي قليلي رأيك.

وأضافت :' أنا وهو بنضحك على أي هجوم بيحصل عليه وبقول ربنا يهديهم عادي جدا، إذا كنت أنا شايفة إن دي شريحة متكلفة بده فأحمد عنده وعي كامل بكل حاجه بتحصل.

وتحدثت الفنانة ايناس مكي عن سبب عدم عملها مع شقيقها النجم احمد مكي قائلة:' رديت على النقطة دي في جميع اللقاءات التليفزيونية ولو دخلتي ع اي اكونت شخصي منزلهم فيديوهات بقول ارحمونا، أنا بنت المهنه من ٢٦ سنه فاتوا طبيعي لو انتي شخص مشهور واخوكي ميجا ستار الناس هتفضل ترغي وتهري في نفس المنطقة.

حوار إيناس مكي في قناة هي

وأضافت  ايناس مكي خلال حوارها مع الإعلامية انجي هشام في برنامج المنسي عبر قناة هي قائلة:'طلعونا متخانقين، طلعونا واخدين قرار منشتغلش مع بعض والله ما حصل، طلعونا في بينا مشادات وهو راجلي وسندي واللي ليا في الدنيا وصلت أنهم قالوا ليه مفيش صور ما بينهم دا انتو ناس غريبة جدا؟"

وتابعت :' المنطق ده مش بتاعنا احنا لا نتبني الأفكار دي كل واحد وشخصيته، مذيعة مرة قالتلي ليه مبتطلبيش من اخوكي يشغلك قلتلها ليه ؟ أنا إيناس مكي.