إيناس مكي تكشف لأول مرة سبب انفصالها عن زوجها

كشفت الفنانة إيناس مكي عن سبب طلاقها بعد ٦ أشهر فقط من الزواج خلال حوارها مع الإعلامية إنجي هشام في برنامج المنسي عبر قناة هي.

تحيا مصر يرصد سبب طلاق إيناس مكي. 

انفصال إيناس مكي بعد 6 شهور من الزواج

وقالت إيناس مكي: لما اتجوزت كان عندي ٢٩ حياتي واضحة ومتظبطة وكنت نجمة ومكنتش متخيلة انها تفشل قعدنا ست شهور مع العلم أنه ابن ناس ومحترم وسأل عليا بعد ١٥ سنة يطمن عليا وفي بينا مودة.

وتابعت : لقيت  نفسي بمنتهى الادب والذوق بديلوا كل حاجته وبقولوا خلينا صحاب وسيبني في حالي يمكن أنا عصبية شوية يمكن أنا اللي مبستحملش يمكن الديفو فيا  بس مكنتش مستريحة وعمري ما هسيب نفسي في حاجه مش مستريحة فيها.

وأضافت: موضوع الجواز دلوقت اتقفل وكل ما حد ينكش في الموضوع وافتح الباب الاقي استفزاز وهي هي نفس الطريقة، أنا حزينة إن نسبة كبيرة من صحباتي اللي أعرفهم بعد سنين طويلة برضوا بيطلقوا.

إيناس مكي تتحدث عن نجاح مسلسل لن أعيش في جلباب أبي

وتحدثت الفنانة ايناس مكي عن نجاح مسلسل" لن اعيش في جلباب ابي" قائلة :' كنت ١٩ سنة ساعت ما عملته، ومكنتش متوقعة النجاح لاني كنت لسه وجه جديد وساعتها كنت بعمل برنامج" ناس وناس " وكنت عاملة شخصية مذيعة لتسعة والمخرج أحمد توفيق كان بيدور على حد يعمل روزالين فشاف الكراكتر واقترح على الفنان نور الشريف.

وتابعت:' قابلته وخدت الورق وصورنا أول يوم وتاني بوم ومكنتش اعرف انه مبيحبش يتفرج على المونتور، فجأة تالت يوم تصوير حد من عمال البوفيه اتأثر بطريقة كلامي وبعدها لقيت الاستاذ نور رايح يتفرج على المشهد اللي بيني وبينه لقيت المخرجة رباب حسين بتقولي عارفة يعني اي استاذ نور يتفرج المونتور؟"

واختمت قائلة:' بعد ما اتفرج على المشهد قعد يقولي برافو وكنت في قمه السعادة وبسبب نجاح الدور قعدت ٤ سنين كل ادوار الخواجاية اللي ف السوق كانت بتتعرض عليا وكنت بعتذر.

يعرض برنامج المنسي برنامج على قناة " هي" من تقديم الإعلامية انجي هشام، ويذاع يومي السبت والأحد في تمام الساعة الحادية عشر والنصف مساءا  ويستضيف عددا من نجوم الفن والإعلامين الذي غابت عنهم أضواء الشهرة والنجومية.