زوجة علي الحجار عن أزمة مشروع 100 سنة غنا: مش هيسيب حقه ومش هيعمل حساب لأي حاجة

تحدثت زوجة الفنان علي الحجار عن دعمها له في أزمة مشروع 100 سنة غنا، والذي أثير الجدل الفترة الأخيرة، كما كشف عن شخصية علي الحجار معها.

تحيا مصر يرصد لكم تصريحات زوجة علي الحجار

وقالت هدى زوجة علي الحجار مع الإعلامية سهير جودة عبر صفحتها على موقع التواصل الاجتماعي فيسبوك، على هامش حفله بالأمس: أي حد يتخيل نفسه عنده مشروع مهم وبيحضر ليه وقاعد يشتغل عليه طول العمر، وفجاة حد يروح طالع بيه وعايز ينجح بيه واللي حواليه يدعموه بيه.

زوجة علي الحجار: مش هنسيب حقه وهيفضل وراه

وأضافت يعني وجع قلبه عنده حق، وهنفضل وراه لغاية ما ياخد حقه، على لا بيخاف من حاجة ولا بيعمل حساب لحاجة إلا لربنا وشغله وضميره، مش هيضر ومش هيأذي.

وتابعت: ليه بقول مش هيضر ومش هيأذي، عشان هو بيتأذي دلوقتي، أنا مش عايزة اقول إيه اللي حصل في الحفلة دي، الناس اللي حضرت الحفلة هما اتعذبوا عشان يحجزوا تذكرة الحفلة دي، ولما بدات التذاكر يتم طرحها اتحجزت كلها في ساعتين وبعد كده الحجز اختفى، على بيتعرض لحرب فظيعة، لكن جمهور على الحجار مهما يحصل معاه هتلاقيه بيعمل أي حاجة عشان يوصله، ودي حاجة تطمنا.

كما كشفت أن زوجها شخص هادي بطبعه ومسالم موضحة: هي خلاني أحب شغله واحترم مواعيده زي حبي ليه وده خلى حياتنا فيها هدوء وسلام

زوجة علي الحجار: علي متوحش في شغله لأنه كل حياته

وكشفت  أنها من مواليد برج الحمل مثل على الحجار، مشيرة انه لا يوجد أي زوجين لا يحدث بينهما مشاكل، لكن المشاكل تذوب في ثانية بالحب، «لو في مشاكل بينا هو اللي بيبتدي بالصلح، وهو شخصية رومانسية في العادي، لكن ممكن يبقى متوحش في شغله، هو شغله كل حياته».

زوجة على الحجار: اتغير وبقى رومانسي أوي

وأكدت هدى أن على الحجار في بداية زواجهما لم يكن يتذكر المناسبات العائلية بينهما، لكن بعد ذلك أصبح يتذكر توايخ كل مناسباتهم الخاصة، موضحة: بقى يحفظ التواريخ أكتر مني وأتغير كتير جداَ وبقى رومانسي أوي.