إيمان العاصي: اتعريت بعد وفاة أبويا.. ومش جاهزة اتجوز مرة تانية

كشفت الفنانة إيمان العاصي عن حنينها لوالدها، وتفاصيل تجاربها العاطفية، وذلك خلال لقاء لها ببرنامج بلا تصنيف على شاشة تلفزيون قناة lbc.

تحيا مصر يرصد تفاصيل تصريحات إيمان العاصي

وقالت إيمان العاصي: نفسي أشوف أبويا، هو مات من سنتين، ومش عارفة لسه اتعود، اتعريت يعني، ومكنتش متوقعة أنه هيموت خالص، ومكنتش بعرف أقوله بحبه.

تجارب إيمان العاصي العاطفية

وعن إمكانية زواجها مرة أخرى قالت: أنا مش جاهزة اتجوز مرة تانية، وعمري ما كنت عايزة اتجوز، ودلوقتي عايزة صديق، ومؤخرا بحس نفسي وحيدة، مرة قلبي دق عشان بنتي لأنها محتاجة الرجل في حياتها، ففي مرة حد دخل حياتي وعلاقته كانت حلوة ببنتي جدًا وارتبطت بيه، وهو كان شخص كويس بس مكنش مناسب ليا.

وتابعت: والتاني كان حالة وعيشتها وخوضت التجربة كاملة بس زي نسبة كبيرة جدًا من الرجالة طلع كداب واتعلقت بيه بس حب لا، قالي أنه مطلق بس طلع متجوز، وأنا مقبلش دا على نفسي، ومستحيل أرجع لأبو بنتي، وفقدت حريتي بعد الجواز، ومش بثق في حد ولا في راجل ولا في ست، ومحدش يستاهل ثقة حد عموما.

إيمان العاصي: بنتي مش عايزاني اتجوز بس لو قلبي دق هقنعها

وسبق وأن كشفت الفنانة إيمان العاصي عن نيتها في الزواج، مشيرة إلى أنها معقدة من الرجال ولا تثق بهم، ولكن في الوقت الذي يأتي لها فرصة من الممكن أن توافق.

وقالت إيمان العاصي خلال لقاءها ببرنامج ET بالعربي: "مشكلتي في الحب إني غيورة جدًا.. ومبثقش أوي في الراجل، وبما إني سينجل ماما بشوف حاجات مخيفة في العلاقات وبتخض، خليني أحب في ريتاج بنتي وهي تحب فيا وخلاص، وريتاج مش عايزاني أتجوز، ولكن لما ييجي صاحب النصيب هقنعها، ويوم ما قلبي يدق أكيد هقنعها.

وتابعت: “لو جالي حد مناسب في سنة 2023 وقالي سيبي الفن هرفض، حتى لو حبيته".

إيمان العاصي: مش عارفة اتعامل مع ردود فعل الناس وقاعدة في البيت مستخبية

وعلى صعيد آخر، حلت الفنانة إيمان العاصي ضيفة على برنامج «تفاعلكم»، الذي يعرض على قناة العربية، وتقدمه الإعلامية سارة الدندراوي، لتتحدث عن شخصية دلال الذي تقدمها في مسلسل جعفر العمدة.

تحدثت إيمان العاصي عن ردود فعل الجمهور تجاه شخصية دلال الني تقدمها في مسلسل جعفر العمدة، خاصة بعد اكتشاف شرها ومكرها وأنها السبب في أذية الشخص الذي عشقها طوال 19 سنة، فقالت:"مش عارفة أتعامل مع ردود فعل الناس قاعدة في البيت مستخبية خايفة أقابل الناس ومخضوضة، الجمهور مسميني "الحسناء الشعبية" حابين حالة الحب بين "دلال وجعفر" ومرة واحدة "دلال" طلعت سبب الشوكة المحطوطة في ضهره طول العمر انصدموا".