إيمان العاصي: الناس بيبصوا للمطلقة على أنها سهلة المنال وعندها نقص ودا جهل

تحدثت الفنانة إيمان العاصي عن تفاصيل تجربة طلاقها وانفصال والديها، وذلك خلال لقاء لها ببرنامج بلا تصنيف على شاشة تلفزيون قناة lbc.

تحيا مصر يرصد تفاصيل تصريحات إيمان العاصي

تجربة طلاق إيمان العاصي

وقالت إيمان العاصي: وأنا عندي 23 سنة، اتجوزت وحملت واتطلقت وحملت في نفس السنة، ودي أصعب حاجة في الكون، الطلاق دا حاجة صعبة جدا، طول الوقت وأنا بنتي في بطني بتتحرك كنت بقعد أعيط من الخوف، ومش عايزة أحس بحركتها من كتر ما أنا خايفة.

وتابعت: الأم العزباء المفروض الناس تتعامل معاها خصوصا الرجالة أو الناس الكبار في السن أنها قوة مش عادية، وبشكل خاص جدا، لكن الناس بتتعامل معانا عادة على أننا متاحين لأي حد، وعندنا نقص، ودا جهل، والناس بتعتبر أن المطلقة سهلة المنال.

واضافت: لما مامتي وبابايا أنفصلوا عن بعض ماما كانت صغيرة فكان دايما صحابها يقولولها، بكرا هتبقي لوحدك، اتجوزي، واتجوزت فعلا لأنها خايفة أننا نبعد عنها.. والتجربة دي كانت قاسية جدًا، واختارت أعيش مع ماما لأن الست بتصعب عليا وعشان أخد بالي منها.

تصريحات إيمان العاصي عن جعفر العمدة

وسبق وأن كشفت الفنانة إيمان العاصي عن كواليس مسلسل جعفر العمدة، والذي عرض في السباق الرمضاني المنقضي، كما كشفت عن بعض الأسرار في حياتها.

وقالت إيمان العاصي خلال استضافتها في برنامج معكم والتي تقدمه الإعلامية منى الشاذلي ويعرض عبر قناة سي بي سي: الجمهور بدأ يعمل تحديات على نهاية المسلسل وتوقعات، و اتعرض عليا فلوس كتير عشان أقول نهاية مسلسل جعفر العمدة.

وكشفت إيمان العاصي: روحت المستشفى وكنت منهارة في الحلقة العشرين من جعفر العمدة وكنت تعبانة ولقيت الدكتور قالي عشان خاطري قوليلي النهاية هو سيف هيتقتل ولا ووقتها فقدت الإحساس.

إيمان العاصي تكشف مواقف مؤثرة لـ مصطفى درويش

وعلى صعيد آخر، كشفت الفنانة إيمان العاصي عن مواقف انسانية للفنان الراحل مصطفى درويش، الذي وافته المنية في بعد تعرضه لـ سكتة قلبية.

وكتبت ايمان العاصي عبر حسابها الرسمي بموقع التواصل الإجتماعي “فيسبوك”: “ماكنتش لسه عرفاه شخصيآ بس كنت اسمع انه عنده مطعم بيفتحه أوقات معينه في اليوم لأي حد محتاج كلمته وسألته قالي طبعآ هجيلك برجلتي روحت علي المكان لاقيت كذا عربيه مليانه واجبات كتير أكتر من عدد الناس و رجاله كتير بتساعد وتوزع وكان عاوزنا نعمل كدا كل يوم …وأمني أمانه كل ما نعمل كدا أكلمه”.