عمرو مصطفى: مش هلحن لمحمد رمضان تاني ورامي صبري سرق لحن أغنيتي وسبتهاله بمزاجي

هاجم الفنان عمرو مصطفى الفنان رامي صبري مؤكدًا أنه قام بسرقة ألحانه، كما كشف عن مشروعه بالذكاء الاصطناعي.

تحيا مصر يرصد لكم تصريحات عمرو مصطفى

وقال عمرو مصطفى خلال استضافته في برنامج حبر سري والتي تقدمه الإعلامية أسما إبراهيم ويعرض عبر قناة القاهرة والناس: أنا سبت أغنية يمكن خير لرامي صبري بمزاجي ولو عايز أشيله الأغنية من اليوتيوب هشيلها وهي  نجحت عشان هي بتاعتي.

عمرو مصطفى يهاجم رامي صبري: أنت سرقت لحن أغنيتي وأثبت أن هي بتاعتك من 2009

وتابع: هو كلمني وقالي معلش عشان خاطري شكلي مش حلو وقالي أي كلام في أي حاجة وأنا عديتها بمزاجي وهي أغنيتي وأنا سبتهاله بمزاجي ولو هو كان زود كنت هوقفه وبتاعتي نازله على اليوتيوب من سنين.

ووجه حديثه لرامي صبري قائلًا: انت سرقت لحن أغنيتي رقصة وعملت بيها أغنية يمكن خير وعايزك تثبت أن أنت عاملها من 2009 زي ما قولت.

عمرو مصطفى: لما المبدع يتكلم الكل يسكت

وتحدث عمرو مصطفى عن فكرة إحياء التراث بالذكاء الاصطناعي قائلًا: ليه لقيت هجوم عليا لما قولت هعمل إحياء للتراث والمفروض لما المبدع يتكلم الكل يسكت.

وتابع: أنا عايز اقلب التخت الشرقي تبقى موجودة في الأغاني بتاعتي، وأنا كنت بتخيل صوت أم كلثوم أما ده مش صوتها، وهستأذن الوراثة قبل ما أعمل أي حاجة.

وكشف عمرو مصطفى: ممكن نعمل أدعية بصوت المطربين بالذكاء الاصطناعي عشان ياخدوا حسنات طول عمرهم.

عمرو مصطفى: مش هلحن لمحمد رمضان تاني

وكشف عمرو مصطفى أنه لن يقوم بالتلحين لمحمد رمضان مرة آخر قائلًا: أنا لحنت أغنية مرة لمحمد رمضان ومش هعملها تاني.

كما تحدث الفنان عمرو مصطفى عن هجوم المنتج محسن جابر عليه وقال:  أغنية افتكرلك ايه جديدة وكانت مع شيرين عبد الوهاب وكان مشروع هيتعمل وفؤجت أن هي اتسربت بتوزيع مخلصش وبشكل غير قانوني، وأنا حفاظًا على الظروف اللي بتمر بيها شيرين سكت ونفذت الأغنية بطريقتي وتغاضيت الموضوع عشان شيرين ولو عايز اشيلها هشيلها وهي ملقتش رواج عشان منزلتش على صفحة رئيسية .