يسري نصر الله: في كارثة في السينما وأفلام الرقصات والمغنيين مبقتش موجودة

كشف المخرج يسري نصر الله أن أعماله دائمًا ما تعبر عن مخاوف عاشها من قبل، كما أوضح أنه يرى أن السينما يوجد بها أزمة خلال الفترة الأخيرة.

تحيا مصر يرصد لكم تصريحات يسري نصر الله

وقال يسري صر الله خلال استضافته في برنامج مساء دي إم سي الذي يقدمه الإعلامي رامي رضوان ويعرض عبر قناة دي إم سي: مش بحب كلمة فيلم مهرجانات، وفيلم مهرجانات مش حلو ومعناه انك تتركن.

وكشف: كل الأعمال اللي بعملها بتعبر عن مخاوف عني والواقع مخيف وفيه دوشة وفوضى وعايز ألقي نفسي في مكان جوا الفوضى واتعايش معاها وانظمها.

يسري نصر الله: في أزمة في السينما

وأضاف: السينما في أزمة جامدة ما بين السوق والقيود على الافلام وتصاريح التصويرغالية والسوق ضيق وبتعمل الافلام عندك سوق العيد وبلد أو بلدين بتمشي فيها وباقي العالم مش بتبقى موجود فيها ومبقتش موجودة دلوقتي بس كانت زمان وكان فيها فنانين ورقصات كبار وكانت موجودة في السينما في العالم وحصلت كارثة في السينما وأفلام الرقصات والمغنين مبقاش موجود.

واستكمل: بقى في ظاهرة غريبة وهي تضائل دور الست في الأفلام ومرة واحدة من سينما حرة وفيها بهدة وواقعية بقت متهجمة وكلها افيهات بس، وبقينا نقلد السينما الأجنبية ومبقاش في تجديد.

تصريحات يسري نصر الله

كشف المخرج يسري نصر الله عن لحظات التكريم بالنسبة له وقال: لحظات التكريم بتكون دايمًا محرجة بالنسبة ليا وأنك تشوف نفسك كده، ومش بحب اتفرج على أعمالي لأن فيه إحساس غريب جدًا بالزمن وبيجيلي اكتئاب ما بعد الأفلام زي اكتئاب ما بعد الولادة كده ومش أنا لوحدي الي بحس بكده ولكن معظم زملائي بيجيلهم اكتئاب بعد عرض أعمالهم، لما تلاقى أن ساعة ونصف هي ملخص عمل وتفكير 3 سنوات. 

يسري نصر الله: أيام نزول الفيلم بتكون قلق بالنسبالي

وأوضح: أنا عايش من الأفلام ولكن بستغرب اخد فلوس على حاجة بحبها للدرجادي والشغل وجداني بالنسبالي، وأضع في أعمالى ملخص تجربتى وخبراتى في العالم، وبالنسبالى القلق في أيام نزول الفيلم لدور العرض دى بتكون أقل حاجة.