يسري نصر الله: مش بحب اتفرج على أعمالي وبيجلي اكتئاب بعد عرضها

كشف المخرج يسري نصر الله عن لحظات التكريم بالنسبة له، وعن شعوره بالاكتئاب بعد عرض أعماله، كما تحدث عن تكريمه بالهرم الذهبي.

تحيا مصر يرصد لكم تصريحات يسري نصر الله في برنامج مساء دي إم سي

وقال يسري نصر الله خلال استضافته في برنامج مساء دي إم سي الذي يقدمه الإعلامي رامي رضوان ويعرض عبر قناة دي إم سي: لحظات التكريم بتكون دايمًا محرجة بالنسبة ليا وأنك تشوف نفسك كده.

يسري نصر الله: بيجيلي اكتئاب بعد عرض أفلامي 

وتابع: مش بحب اتفرج على أعمالي لأن فيه إحساس غريب جدًا بالزمن وبيجيلي اكتئاب ما بعد الأفلام زي اكتئاب ما بعد الولادة كده ومش أنا لوحدي الي بحس بكده ولكن معظم زملائي بيجيلهم اكتئاب بعد عرض أعمالهم، لما تلاقى أن ساعة ونصف هي ملخص عمل وتفكير 3 سنوات.

يسري نصر الله: بستغرب اخد فلوس من حاجة بحبها

وأضاف: أنا عايش من الأفلام ولكن بستغرب اخد فلوس على حاجة بحبها للدرجادي والشغل وجداني بالنسبالي، وأضع في أعمالى ملخص تجربتى وخبراتى في العالم، وبالنسبالى القلق في أيام نزول الفيلم لدور العرض دى بتكون أقل حاجة.

وكشف: ولما بعمل فيلم كأنك عريت نفسك كأنك عاوز ترجع لورا تانى، بالتأكيد بشوف أخطاء في أحلامى ومش بتضايق لان ده اللى عرفت اعمله أو ده اللى كان عندى.

يسري نصر الله: معملتش فيلم لوحدي وحتى اللي شتموني شاركوا في الحدوتة بتاعت أفلامي

وأضاف: عشت تجارب كبيرة وعملت أفلام شاركت في مهرجانات دولية، وسعدت جدا بجائزة الهرم الذهبى، وما أسعدنى أكثر أنه في فيلم أول عرض له كان من 14 سنة، وأنه هيتعرض في المهرجان، وعمرى ما عملت فيلم لوحدى الناس اللى وقفوا معايا واشتغلوا معايا حتى اللى شتمونى كلهم شاركوا في الحدوتة وأرى ان التكريم ليس ليسرى نصر الله ولكن للأفلام لكل العاملين المشاركين في العمل.

وأوضح: في مدارس السينما بتكون مش عايش والعالم بتاعنا ضيق وبعمل سينما عشان احكي حاجة اتواصل بيها مع الناس ونتكلم عن حاجة