خاص| صاحبة أغنية “مخصماك”: مكنتش متوقعة نجاحها بالطريقة دي ومش بنافس بوسي ولا أمينة

تصدرت الفنانة نوال عبد الشافي حديث السوشيال ميديا في الساعات القليلة الماضية وذلك بعد طرحها لـ أغنية “مخصماك”، والتي تصدرت تريند تطبيق “تيك توك” وحققت نجاحات ساحقة بمجرد طرحها.

تحيا مصر يرصد في ذلك التقرير تصريحات الفنانة نوال عبد الشافي خلال لقائها بـ موقع تحيا مصر

صاحبة أغنية مخصماك: مبسوطة بنجاحها الغير متوقع

وتحدثت نوال عبد الشافي خلال حوارها بـ موقع تحيا مصر عن نجاح الأغنية، فقالت: مبسوطة بنجاح الأغنية كان غير متوقع بصراحة، ومبسوطة بالفيد باك بتاع الأغنية وإن شاء الله تكون دي البداية، انا مكنتش متوقعة الأغنية بالطريقة دي.

وعن لقت صاحبة أغنية مخصماك، قالت نوال عبد الشافي: مش مضايقني خالص بالعكس مكنتش متوقعة نجاح الأغنية بالطريقة دي فدي حاجة تبسطني.

كما تطرقت بحديثها عن التعاون مع مطرب المهرجان مسلم، فقالت: مسلم كانت عجباه الأغنية من الأول خالص، وظبطوا الأغنية وعجبتني الفكرة، ومسلم ناجح وصوته حلو أوي فمبسوطة اني عملت معاه الديو ده، والكواليس كان دمعها خفيف جدا.

صاحبة أغنية مخصماك: مش بنافس بوسي ولا أمينة وهغني راب

وتابعت حديثها عن الأغاني التي تقدمها، فقالت: “أنا بحب أي أغنية حلوة مهرجان أو مش مهرجان او راب او كلاسيك، وعندي بلان مع الشركة إنه هيكون في أغنية مع رابر مغربي عشان نعمل أغنية ميكس”، مؤكدة: “أنا مش بنافس بوسي ولا أمينة، وأنا مش بغني شعبي خالص وعندي أغنية هتنزل أخر الشهر اسمها أنا كدة ”.

كلمات أغنية مخصماك

جدير بالذكر، أنه أتت كلمات  أغنية مخصماك على هذا النحو: انت لو كنت بتهتم إنت لو كان عندك دم إنت لو بتحس يا عم هتعرف إيه اللي مزعلني ما إنت لو كنت بتهتم ومالية عينيك كنت هتتلم إنت لو كنت بتفهم متزعلنيش وتدلعني مخصماك وابعد عني أنا مش طيقاك  أيوة مش عايزة أبقى معاك متورنيش وشك ثاني مخصماك مجنون بجد أنا مش فهماك) مش عايز عيني تشوف شكلك ولا أسمع صوتك في وداني عينك رايحة ورا أي بنت وأنا مش شاكة ده أنا اتأكدت وبتشتكي لو جيت نكدت والناس تقول غلبان يا حرام شكلك عاوز علاقتنا تبوظ وبتشتكي من لوي البوز مش هتصالح غير وقت ما أعوز متجيش تجر معايا كلام مخصماك وابعد عني أنا مش طيقاك سيبني مش عايزة أبقى معاك متورنيش وشك ثاني مخصماك مجنون بجد أنا مش فهماك مش عايزة عيني تكون شيفاك ولا أسمع صوتك في وداني إنت حد معندوش قلب إركن العشرة دي على جنب ده إنت نص كلامك كذب نفسي بقى تبطل حوارات إنت ملك اللا مبلاة إنت حد تعبني معاه حد ماشي يرمي وراه ماشي بمبدأ عدى وفات مخصماك وابعد عني أنا مش طيقاك سيبني مش عايزة أبقى معاك متورنيش وشك ثاني مخصماك) مجنون بجد أنا مش فهماك) مش عايز عيني تشوف شكلك ولا أسمع صوتك في وداني إنت لو كنت بتهتم إنت لو كان عندك دم إنت لو بتحس يا عم هتعرف إيه اللي مزعلني ما إنت لو كنت بتهتم ومالية عينيك كنت هتتلم إنت لو كنت بتفهم متزعلنيش وتدلعني.