مي كساب: الظروف مخدمتنيش في الغناء

فجرت الفنانة مي كساب، عدة تصريحات حول مجال الغناء و كواليس تعاونها مع الفنان عادل إمام ويسرا في فيلم بوبوس.

تحيا مصر يرصد تصريحات مي كساب.

لقاء مي كساب في برنامج  بودكاست بتاع أفلام

وقالت مي كساب خلال لقائها ببرنامج بودكاست بتاع أفلام: الظروف مخدمتنيش في الغناء.. واللي عارفين يكملوا من جيلي لازم الجمهور يتأكد أن دي اجتهادات فردية منهم، وكل شركات الموسيقى مبقوش يشتغلوا، حتى المنتج نصر محروس مبقاش يشتغل زي الأول.

تصريحات مي كساب

وتابع: قررت وقت ثورة 25 يناير أني مش هشتغل تاني لايف، وجابوني في مسلسل تامر وشوقية من أغنية شيل ده من ده، ومكنتش عايزة أكون ممثلة.. وأحمد الفيشاوي ومكي هما اللي اختاروني في تامر وشوقية، ودخلت مجال التمثيل عشان أرضي والدي.. وهو كان شايفني خليفة شادية.

علاقة مي كساب بالزعيم ويسرا

وأضافت: عادل إمام كان حاببني وكنت 24 ساعة معاه وهو أبو الكوميديا، واتعلمت منه أقول الإفيه أمتى وإزاي.. ويسرا ست عظيمة قدرت تواكب كل جيل، اتعلمت منها إنسانيًا وبتجبر بخاطر كل الناس اللي حواليها، وهي مثال للنجم الحقيقي.

من جانبه، كانت قالت مي كساب خلال حلولها ضيفة على برنامج “تفاعلكم”: “زينة صديقة ليا من زمان قبل كا نتشهر وهي محترمة وبعتز بصديقتها لكن في أغلبية التصوير هي مكنتش بتكون معانا فيه عشان كدة مفيش حاجة بتجمعنا بيها لكن مفيش مشاكل بينا”.

وتحدثت مي كساب أيضا عن غنائها رباعية انسى الوجع، حيث قالت: “محمد سامي فكر من الأول إن الرباعية تكون بصوتي أفضل وكان شايفني مطربة مقصرة في الغناء، ومحمد سامي صاحب وجهة نظر متفردة وبيعفر يوظف الفنان صح”.

مي كساب في جعفر العمدة 

وتطرقت بحديثها عن نجاح مسلسل جعفر العمدة، فقالت: “كان نجاح ساحق خصوصا اللي حصل في الشارع المصري والعربي وهو تفاعل الجمهور معانا”