منى عبد الغني باكية: علاء عبد الخالق فنان جميل وفقدت أخ من أخواتي النهاردة| فيديو

تحدثت الفنانة منى عبد الغني عن وفاة الفنان الراحل علاء عبد الخالق، معبرة عن حزنها الشديد لفقدانه اليوم، وكشفت عن بعض الذكريات التي جمعتهما.

تحيا مصر يرصد لكم تصريحات منى عبد الغني

وقالت هبة عبد الغني خلال مكالمة هاتفية في برنامج الستات مايعرفوش يكدبوا: أخويا اللي مات انهاردة، وأنا بعتبر علاء اخويا بالذات من الدراسة وكنا نعرف بعض من أول دخلنا الموسيقى العربية ولينا ذكريات حلوة مع عمار الشريعي.

منى عبد الغني: فقدت أخ من أخواتي انهاردة

وتابعت: الناس كلها عارفه إنه فنان جميل ومحترم وخلوق وكان حقيقي ومؤدب ومش بيقول لفظ بايخ لحد وعلى المستوى الإنساني أنا فقدت أخ من أخواتي انهاردة.

وكشفت: ناس كتير من أبناء جيله كانوا في الجنازة وهو ليه كتير محبيه وكل الناس بتحب علاء وطول ما أنا ماشية الناس بتعذينا.

وأضافت: في آخر بوست ليه كان عايز يقول أن مفيش احلى من الصحاب وكان دايمًا بيوصي على صلة الرحم ويقول للناس تبر أهلها.

وكشت عن بعض الذكريات التي جمعتهما وقالت: بمجرد ما سمعت خبر الوفاة افتكرت حب الأخ لخواته وفي عيد ميلادي كان بيحتفل بيا ووقفته معانا وجدعنته ووقفته جنبي في الأصدقاء وكنا بنذاكر مع بعض وكنا مع بعض في أولى ثانوي وهو من العيلة وحاجات كتير مش عارفه افتكرله ايه ولا ايه.

منى عبد الغني عن علاء عبد الخالق: كان بيرفض يطلع في البرامج عشان مفيش حد يشوفه وهو تعبان

واختتمت: حسن الخلق اللي بيفضل وكان دايما متواضع وجميل وكان بيرفض يطلع في أي برامج حتى في برنامجي مكنش حابب حد يشوفه وهو تعبان، ومكنش حد بيقول هو عنده إيه ومراته وبنته بيقولوا انه كان كويس ومفيهوش اي حاجة قبل وفاته.

وفاة علاء عبد الخالق

وكان قد توفى اليوم الثلاثاء الفنان الكبير علاء عبد الخالق وذلك بعد صراع مع المرض عن عمر يناهز الـ 59 عامًا.

وتم تشييع جثمانه اليوم بعد صلاة الظهر من مسجد الشرطة في الشيخ زايد، وحرص عدد كبير من النجوم على حضور مراسم تشييع الجثمان ومنهم حميد الشاعري، محمد محي، حسام حسني وغيرهم.