جوري بكر عن أسعار الساحل الشمالي: فين حماية المستهلك.. احنا بنتعب عشان نجيب الفلوس

خرجت الفنانة المصرية جوري بكر لتعلق من جديد على أسعار المشتريات في الساحل الشمالي، بعدما اشتكت من ارتفاعها بشكل مبالغ فيه.

تحيا مصر يرصد تصريحات جوري بكر عن أسعار الساحل الشمالي.

جوري بكر تشكو أسعار الساحل الشمالي 

كتبت جوري بكر عبر خاصية استوري على حسابها بموقع تبادل الصور والفيديوهات القصيرة إنستجرام: الموضوع كبر وكويس اني فتحت عين الناس على حاجات كتير بتحصل كان بالنسبالي الموضوع مش هزار على فكرة انا كنت بتكلم بجد انا برضو انسانة طبيعية زي زي اي حد بتعب انا وجوزي ومتغربين عشان نعيش عيشة كريمة لينا وبنتعب عشان نجيب فلوس.

وتابعت: والناس اللي مفكرة أننا بناخد ملايين أنا بدفع براحتي لكن ليه أحس اني بتسرق واللي بتنتقدني وبتقول آيه يا فنانة ما تدفعي ولو معكيش متروحيش لا مش هدفع انا ازازه مياة بالسعر ده ولا ساندويتش برجر 375 ولا قهوة ولا ولا.

وأضافت: وكمان على فكرة دي مش مياه بس ده اكل وشرب وليس ارحمو من في الارض يرحمكو من في السماء، فين حماية المستهلك في اسعار بعض الاماكن الي في الساحل الناس نفسها تنبسط  في ناس تانية عايشة على قفى ناس تانية والهبل كتير.

أزمة جوري بكر مع الساحل الشمالي 

وكانت قالت جوري بكر في مقطع فيديو لها من خلال خاصية استوري: أنا بكره الساحل أو الأصح اللي بيحصل في الساحل، وأنا متضايقة من اللي بيحصل في الساحل، ولولا أن جوزي بيحب يروح هناك مكنتش جيت.

وتابعت: لأن فيه قلة أدب بتحصل، وفيه ناس قليلة الأدب، وفيه قلة أدب في الأسعار، وفيه ناس ممكن تقولي ايه اللي وداكي، بس أنا مضطرة، وأنا الحمد لله راضية بس ايه الأسعار دي.

تصريحات جوري بكر

واضافت: أنا أي مكان هدخله مش هيعجبني أسعاره هفضحه على السوشيال ميديا، لأن أنتو حرفيا بتسرقوا الناس، عشان يومين تلاتة جايين ينبسطوا فيهم ف يالا تعالى استغلك واطلع كل الفلوس اللي في جيبك، يعني ايه عيل صغير يروح يجيب ازازة مية بـ 200 ج، هي مية من الجنة