خالد الفايد بعد اعتزاله الغناء: هكون المؤذن الأول في الوطن العربي

كشف الفنان المعتزل خالد الفايد، عن رغبته في أن يصبح المؤذن الأول في الوطن العربي، وذلك بعد اعتزاله الغناء.

تحيا مصر يرصد رغبة خالد الفايد.

رغبة خالد الفايد بعد اعتزاله الغناء 

وكتب خالد الفايد عبر حسابه الشخصي بموقع التواصل الاجتماعي فيس بوك: إن شاء الله هكون المؤذن الأول في الوطن العربي، وهاخد المسابقة والوطن العربي كله هيحتفل معايا، ظني في الله أنه هيكرمني.

اعتزال خالد الفايد الفن

وسبق وقال خالد الفايد في منشور عبر حسابه الرسمي بموقع التواصل الإجتماعي “فيسبوك”: السلام عليكم ياشباب من يوم ما بطلت الغناء وتبت الي الله منه وانا قاعد ف البيت والدنيا واقعه جدا معايا وانا قاعد دلوقتي من غير شغل ومش هرجع للغناء حتي لو فيها موتي اصلا انا محتاج شغل ضروري براتب كويس او مجزي يبقا جزاكم الله خيرا اللي حابب يتواصل انا متاح علي ماسنجر وجزاكم الله خيرا مره تانية.

وأوضح خالد الفايد عبر حسابه الرسمي بموقع التواصل الإجتماعي “فيسبوك”: “الفترة الاخيرة بتابع الشباب والمحتوي الديني علي الشوشيال ميديا للأسف اكتشفت ان القران اصبح وسيلة لجلب الفلوس والمتابعين والشهره ولاحظت ناس معينه بتمثل انها بتبكي وهي بتقرأ وواضح جدا جدا انهم بيمثلوا اصبح القران مجرد كلام بنمثل بيه القراء”.

وتابع حديثه، قائلا: “القدامي رحمة الله عليهم زي المنشاوي كان بيعيد التسجيل علشان كان بيبكي وعايز يخفي بكائه لكن دلوقتي بقينا نقول للناس شوفوني وانا بعيط وخاشع”.

واختتم حديثه: “يا جماعة اللي عايز يمثل ويتمسخر ويتسهوك يروح يقرأ سيناريو ويمثل في مسرح دين ربنا مش دين لقطه ولا دين لايك ولا دين فولو اتقوا الله شوية وبطلوا رياء الكلام مقصود لكل مشاهير القراءه في السوشيال ميديا في مصر وهيشوفوا كلامي ومعظمهم صحابي واللي يزعل يزعل انا متعود اقول كلمة الحق ف وش اي حد”.

أزمة خالد الفايد مع هاني محروس

وعن أزمته مع هاني محروس، قال: الموضوع بيني وبين أستاذ هاني محروس اتحل وإن شاء الله مفيش أي حاجة وشكرًا جدَا لأستاذ هاني أنه تفهم الوضع وقال مفيش حاجة خلاص ومش هعمل أي حاجة وربنا يقدم الخير، وإن شاء الله أكون في مصر خلال أيام، وشكرًا بجد أن صوتي وصل ولقينا حل مع أستاذ هاني محروس وشكرًا للأستاذ سيد حجاج على تدخله وحصل خير يا شباب، وأنا خلاص همسح البوستات اللي فاتت، وادعولي ربنا يثبتني على طريق الحق وإن شاء الله ف مصر لما أنزل بيتي مفتوح لأي حد من أهلي وحبايبي اللي وقفوا جمبي ودعموني، وإن شاء الله أسجل القرآن الكريم كامل بصوتي قريبا وانزله عندي، الحمد لله رب العالمين والله بحبكم في الله ويشهد الله على ما في قلبي من محبة ليكم.