عمرو الليثي أول الحاضرين في عزاء إيهاب أبو زيد| بث مباشر

حرص الإعلامي عمرو الليثي على تقديم واجب العزاء في وفاة المخرج إيهاب أبو زيد، اليوم في مسجد المشير طنطاوي، بعد أن كان من المقرر إقامته في مسجد الصديق بمساكن شيراتون.

تحيا مصر يرصد تفاصيل عزاء إيهاب أبو زيد

أخر ضيوف عمرو الليثي

ومن الجدير بالذكر أن الفنانة ميمي جمال حلت ضيفة على برنامج واحد من الناس، الذي يقدمه الإعلامي عمرو الليثي على شاشة قناة الحياة، ومن تصريحاتها في الحلقة:

• لو و كنت عضوة في لجنة تحكيم الأوسكار المصري هأدي الجائزة لمنى زكي عن مجمل أدوارها.
• محمد رمضان ممثل شاطر وذكي وبيعرف يروج لنفسه كويس.
• جعفر العمدة قدم فيه كل حاجة ممكن تتصورها قدم الرجل المزواج، والتاجر الشاطر، وجمع كل الحاجات اللي ممكن تتفرج عليها.
• انا لا بمكن أعيش في دار مسنين ومعملتش عملية تجميل في حياتي.
• عملت مدرسة المشاغبين مكان سهير البابلي لمدة 15 يوم لأنها كانت تعبانة.
• بعد ما حسن مصطفى توفى، قعدت 6 سنين فى البيت وبطلت كل حاجة، ولما رجعت للتمثيل تانى، وحسيت كأنى لسه وجه جديد.
• حسن مصطفى كان دائم التعبد والصلاة  أنا بعد وفاته حسيت أن ظهرى اتقسم.
• النسبة لأزواج بناتي فعندي حكمة لو نكدت عليهم هينكدوا عليهم فمبحبش أتدخل ومصحباهم جدا.
• وهبت ثروتي أنا وحسن لبناتي على حياة عيني شوفت ان كدة أريح.
• بحب من أعمالى فى التليفزيون "الونش" وإيجار قديم مع شريف منير وعلاقة مشروعة.
• الفنان عبد المنعم مدبولي له الفضل في اكتشافي.
• سمير غانم كان من الناس اللي عشان تشتغل معاه لازم تبقى صاحي لأنه بيقول الافيهات في ساعاتها.

حسام داغر ينعي إيهاب أبو زيد

وسبق وأن حرص الفنان حسام داغر، على نعي المخرج إيهاب أبو زيد حيث نشر صورته على حسابه الرسمي بموقع تبادل الصور والفيديوهات انستجرام، وعلق عليها: انا قلبي هيقف من الخضة .. معقول بيساطه كده انام و اصحي الاقيك مشيت يا ايهاب .. ده انا تليفوني و تليفون اخويا مبطلش رن منك و انا في المستشفي في العنايه لحد ما انا خرجت و سمعت صوتي و قلتلي انا كده اطمنت عليك .. ده لسه في احلام و مشاريع كتير بتفكر فيها سوا .. ببساطه كده ازمة قلبيه مفاجأة.

وتابع حديثه:  ده انت اكتر واحد كنت متحمس لمشروعي دكتور داغر و كنت هتشرف فيه علي الاخراج مع علي و انت المخرج الكبير المدير القائد مفكرتش لحظة متقفش جمبنا .. فاكر انت اول واحد كنت واثق فيا و موهبتي و ادتني بطوله في راديو ستار سنه ٢٠٠٥ و اقنعت بيا علي رجب بعدك لما كمل المسلسل.