ياسر فرج: تعب مراتي السبب في اختفائي لأن لازم كنت أكون جنبها ورفض دور مع كرارة

تحدث الفنان ياسر فرج عن سبب اختفائه عن الوسط الفني  لعدد من السنوات المتتالية بشكل مفاجيء، وذلك خلال حلوله ضيفا على برنامج المنسي، الذي تقدمه الإعلامية إنجي هشام على قناة هي.

تحيا مصر يرصد في ذلك التقرير تصريحات ياسر فرج عن سبب غيابه فنيا

ياسر فرج: كنت ماشي كويس لحد 2017 وبعدت بسبب وفاة مراتي

وقال ياسر فرج خلال البرنامج: كنت ماشي كويس جدا في الشغل لحد ٢٠١٧ ولكن مريت بظرف شخصي عائلي قوي اضطرني اني اتخلى عن حاجات كتير في سبيل الأسرة وقعدت من آخر ٢٠١٧ وتوقفت لحد ٢٠٢١.

واستكمل مراتي الله يرحمها اتوفت وتعبت تعب شديد وكان لازم اكون موجود ومكنش عندي فرصة اعمل لحاجه تانية، ولحد دلوقت مش عارف مريت ازاي بالأزمة لما بفكر الوقت دن عدي ازاي وازاي ربنا حط فيا الرى اني اتعامل مع الوضع معرفش، كان وقت صعب لكن الحمدلله الأمور بتهدى شوية .

ياسر فرج : رفضت دور مع  أمير كرارة في عمل فني لأني مبحبش اعمل أدوار تضايقني

وعن رأيه في النجوم الذين تتحكم في الترشيحات قائلا :'النجم وارد يقول للمخرج شايف فلان في الدور ده لكن المخرج أو المنتج ليهم الحق في أنهم يقبلوا الترشيح أو لا، مصادفتش إن فنان رفض ترشيحي مصادفتش موقف زي ده بس صادفت العكس وبعض الزملاء من ضمنهم امير كرارة وهوا من النجوم المحترمين وصديق عزيز كان حابب اكون معاه في عمل لكن الأمور مظبطتش ومقدرتش للاسف اشارك لكن اتمنى اكون مع امير كرارة وهو من الناس العزيزة على قلبي.

ياسر فرج: معنديش مشكلة مشتغلش لكن معملش حاجة مضيقاني

وأوضح، قائلا: أنا معنديش مشكلة مشتغلش تاني لكن عندي مشكلة اني اعمل حاجه وانا مضايق مش هعرف استغلها حتي لو زميل عزيز زي كرارة أنا بشكرة أنه فكر فيا لكن حسيت أن الدور مفيهوش إمكانيات.

يذكر، أن برنامج " المنسي" هو برنامج على قناة " هي" تقديم الإعلامية انجي هشام، ويذاع يومي السبت والأحد في تمام الساعة الحادية عشر مساءا ويستضيف عددا من نجوم الفن والإعلامين الذي غابت عنهم أضواء الشهرة والنجومية.