لازم أشيش بعد العشا وزعلان من بشرى.. أبرز تصريحات محمود العسيلي

حل المطرب محمود العسيلي ضيفًا على برنامج جوسيبس، الذي يذاع عبر منصات مواقع التواصل الاجتماعي المختلفة، وأثناء الحلقة كشف العسيلي الكثير من الأمور التي تخص حياته الشخصية والفنية، وفي ذلك الحلقة سيرصد موقع تحيا مصر أبرز تصريحاته في الحلقة.

أبرز تصريحات محمود العسيلي في جوسيبس

• مش هروح مدينة فيينا تاني، لأن الشيشة فيها بتخلص الساعة 12 بليل
• ودا يخليني مكملش في البلد دي خالص، لأني بعد العشا لازم أشرب شيشة
• مستحيل أزرع شعر أو أحط باروكة
• أنا عاجبني شكلي كدا، شكلي وأنا بشعر كان غريب جداً
• وارتحت جدًا لما طار ومش عايزه يرجع تاني أبدا
• صحابي البنات بيقولولي يا عسولتي
• مش بحب الرمرمة في الأكل ومش باكل فول غير من على العربية
• أنا وشيكو في سلوفينيا دخلنا طلبنا المطعم كله وخلصنا الأكل
• أنا لساني مش طويل، أنا صريح ومش بحب الحال المايل
• مش بحب أجامل لأن المجاملة بتضر
• أنا بحب أكون سعيد عشان كدا اتجوزت 3 مرات
• والقلب بيحب كتير وعلى طول
• لما تقول للست مالك وتقولك مفيش قولها أوكيه
• أنا مقدرش على زعل بشرى بس هي كمان مش بتسأل عليا أنا اللي زعلان منها
• شيكو عصبي جدا، وهشام ماجد ملتزم أوي بمواعيده
• أنا مش قموص ومش ملزق في الرومانسية

بداية محمود العسيلي الفنية

وسبق وأن كشف المطرب محمود العسيلي عن تفاصيل بداية موهبته الغنائية منذ طفولته، وذلك خلال لقاءه ببرنامج "أنغام" الذي يذاع على شاشة تلفزيون قناة "دي إم سي" وتقدمه المطربة الكبيرة أنغام.

حيث قال العسيلي: "لما كنت بغني في المدرسة، كانت البنات بتديني البيتزا ببلاش عشان أغني ليهم، لغاية ما فهمت أن دا ممكن يكون أكل عيشي، وبدأت القصة من هنا".

وتابع: "وغنيت أول حفلة في أولى إعدادي وغنيت الأغاني التي ألفتها وبعدها بسنة جابوا مغنية مشهورة جدا وقالوا لي إنهم اختاروني عشان أغني معها، ورفضت وقولت لهم يا إما هغني الأغاني الخاصة بيا أو أغني لمايكل جاكسون".

وعلى صعيد آخر، قال محمود العسيلي خلال لقائه في برنامج the insider: والله أنا عن نفسي عمري ما هدي لقب لنفسي، ولا أحب إن حد يديني لقب لأنه بيحصرني في حاجة معينة وبالنسبة للفنانات الكبار جدا جدا، دول أساطير من وجهة نظري.