بناتك مش بكر يا أختي.. مأساة سيدة مع شقيقها: كان عايز يضحى بجوزي في العيد وبيجيب ستات عند أمي | فيديو

مأساة تعرضت لها سيدة وزوجها وأبنائها على يد شقيقها، حيث قام بالتعدي على زوجها وأحدث به إصابات في الرقبة والرأس واليد، وذلك بسبب طمعه في شقة سكنية خاصة بالسيدة وأشقائه الآخرين.

سمعها بتكلم طليقها في التليفون.. قصة مقتل سيدة الجيزة على يد شقيقها

الداخلية تعلن القبض على جزار المونوريل وسيدة وجزارين متجولين

مأساة سيدة مع شقيقها: كان عايز يضحى بجوزي 

وسردت سيدة لـ تحيا مصر، مأساتها مع شقيقها حيث قالت «أنا أبويا مات من وأنا صغيرة وأنا عندي 8 أخوات منهم أخويا اللي عامل لينا كلنا مشاكل عشان عايز ياخد شقة أمي، ومن فترة كبيرة ضرب أختي وجاب لها كسر في المفصل وقعدت 4 سنين ونصف على السرير وبعدين توفت بسببه».

سيدة تستغيث من بطش شقيقها 

وقالت السيدة «من أسبوع كانت قراءة فاتحة بنتي وهو جه وقطع النور على 8 شقق عشان منعرفش نقعد مع الناس، وقالي لو حد جه للبنت هولع فيه وهكسر عضمه هنا، ولمي بناتك دول ماشين مع طوب الأرض وشوفيهم أساسا مش هتلاقيهم بكر، وكسر الشقة وساب البيت ومشي».

وتابعت السيدة في حديثها عن مأساتها مع شقيقها قائلة «يوم وقفة عيد الأضحى جه البيت وكسر باب الشقة وضرب إبني وعوره وبعدين راح إستنى جوزي قدام المسجد وأول ما خرج راح ضربه بسكينه في رقبته عشان يضحى بيه في عيد الأضحى، وضربه على رأسه وإيده وسابه ومشي».

سيدة: خال العيال بيتكمل عن عرضهم وشرفهم

وأكملت السيدة قائلة «من زمان وإحنا عايشين في موال مع أخويا مفتري علينا وعلى أهل المنطقة وبيضرب كل الناس ومش عارفة مين اللي سايبه كدة أقبضوا عليه، هو واخد شقة أمي وبيجيب فيها ستات ولما الجيران بتيجي تقولي بقولهم ماليش دعوة أعملوا فيه محضر بس هما خايفين وأنا بعيد عنه وبحاول ما أحتكش بيه بس أنا عايزة حقي من اللي بيعمله».

وأختتمت السيدة حديثها قائلة «أمي جات لها أكتر من جلطة بسببه لحد ما ماتت، وأنا قولت له أمضيلك على حقوقي لكن حق أخواتي مقدرش، وروحت عملت فيه 3 محاضر، وهو على طول يقولي بناتك وحشة وماشين على حل شعرهم، وأنا منزلتهمش حتى يتعلموا بسببه وهو مش سايبنا في حالنا وكذا مرة يجي يكسر الشقة علينا».