إزازة المية بـ 200ج.. جوري بكر عن أسعار الساحل: دي قلة أدب وهفضحهم

أعربت الفنانة جوري بكر عن استيائها من أسعار المنتجات والخدمات في منطقة الساحل الشمالي، وذلك من خلال منشور عبر حسابها الشخصي على موقع تبادل الصور والفيديوهات إنستجرام.

تحيا مصر يرصد تفاصيل أحدث منشورات جوري بكر عبر إنستجرام

استياء جوري بكر من أسعار الساحل الشمالي

وقالت جوري بكر في مقطع فيديو لها من خلال خاصية استوري: أنا بكره الساحل أو الأصح اللي بيحصل في الساحل، وأنا متضايقة من اللي بيحصل في الساحل، ولولا أن جوزي بيحب يروح هناك مكنتش جيت.

وتابعت: لأن فيه قلة أدب بتحصل، وفيه ناس قليلة الأدب، وفيه قلة أدب في الأسعار، وفيه ناس ممكن تقولي ايه اللي وداكي، بس أنا مضطرة، وأنا الحمد لله راضية بس ايه الأسعار دي.

واضافت: أنا أي مكان هدخله مش هيعجبني أسعاره هفضحه على السوشيال ميديا، لأن أنتو حرفيا بتسرقوا الناس، عشان يومين تلاتة جايين ينبسطوا فيهم ف يالا تعالى استغلك واطلع كل الفلوس اللي في جيبك، يعني ايه عيل صغير يروح يجيب ازازة مية بـ 200 ج، هي مية من الجنة !.

حقيقة طلاق جوري بكر

وسبق وأن خرجت الفنانة جوري بكر منذ الأسابيع القليلة الماضية لـ تنفي نبأ طلاقها الذي انتشر في الساعات القليلة الماضية، مشيرة إلى أن أحد الأشخاص سرق الحساب الخاص بها.

وكتبت جوري بكر عبر حسابه الرسمي بموقع تبادل الصور والفيديوهات انستجرام عبر خاصية “ستوري”: “أنا مش قادرة اتكلم وأعصابي تعبانة، شكرا جدا لكل الناس اللي اتواصل معايا.. وحسبي الله ونعمة الوكيل فكل واحد أو واحدة عايزين ينتقموا مني بالطريقة القذرة دي”.

وتابعت: “الاكونت اتهكر في ثانية حصل كل اللي حصل والأستاذة بسمة وهبة وضحت لا يجوز طلاق للست الحامل، اشكركم وقدر الله وماشاء فعل انا جوزي راجل محترم ومعتقدش يعمل معايا كدة”.

شكوى جوري بكر بسبب إنستجرام

وسبق وأن أعربت الفنانة جوري بكر عن استيائها من بعض الرسائل التي تصل إليها من الجمهور عبر حسابها الشخصي على موقع تبادل الصور والفيديوهات إنستجرام.

وكتبت جوري بكر عبر خاصية استوري: بخاف أفتح رسايل الانستجرام عندي، اللي عايز مساعدة 3000 ج ومصور نفسه ماسك تليفون بـ 25 ألف، واللي نفسها في تلاجة أنا أصلا مشتريهاش، بجد ازاي كدا، ايه كمية الاستفزاز والجرأة اللي عندكم دي، أنزلوا اشتغلوا واتعبوا وانجحوا، وياريت متغرموش أهلكم عشان حضرتك تشوف نفسك وتمسك موبيل جديد.