منى فاروق: اللهم شغل يغير مجرى حياتي وفلوس حلال

حرصت الفنانة منى فاروق الدعاء بأن تأتيها فرحة تغير مجرى حياتها، وذلك من خلال منشور عبر حسابها الشخصي على موقع تبادل الصور والفيديوهات إنستجرام.

تحيا مصر يرصد تفاصيل أحدث منشورات منى فاروق عبر إنستجرام

دعاء منى فاروق

ونشرت منى فاروق مقطع فيديو لها من خلال خاصية استوري، قالت فيه: الواحد نفسه في فرحة تغير مجرى حياته، اللهم شغل يغير مجرى حياتي، ويرجعني أحسن من الأول.

وتابعت: عشان أكيد أكيد الشغل هو اللي هيخلي نفسيتي أحسن حاجة في الدنيا.. اللهم فلوس حلال يارب، واللهم الستر والصحة، وحسن الخاتمة في الأخر.

أحدث تصريحات منى فاروق

وسبق وتحدثت الفنانة منى فاروق عن أزمتها الأخيرة، وكشفت بعض الأمور في حياتها الشخصية، كما تحدثت منى عن والدها الراحل وكشفت عن علاقتها به، وذلك في تصريحات لموقع تحيا مصر.

وقالت منى فاروق: لما حصلي أزمة زي اي بني أدم في الدنيا ممكن يتعرض لأزمة بس الناس كلها مسمتش عليا واللي معاه سكينة بيدبحك واي حد بيدوس عليا لأن أنا معنديش ضهر بس ربنا ضهري، وربنا ابتلاني وناس كتير قدامي ظهرت على حقيقتها سواء من صحابي أو ناس قريبة مني أو من الشغل".

وتابعت: ومبقاش ليا صحاب دلوقتي وفي ناس ربنا كرمني بيهم بعد الأزمات اللي حصلتلي، وكنت بحاول أهرب من الواقع اني مفكرش فيه عشان الحياة بتوجع والحقيقة دايمًا بتوجع و أبويا لو كان عايش كان هيجيبلي حقي ومكنتش هحارب الدنيا لوحدي.

منى فاروق: الفن والرياضة شغلهم متعب

وعلى صعيد آخر، وجهت الفنانة منى فاروق رسالة لكل الأشخاص الذين يعتقدون أن الفنانين ولاعيبة الرياضية حياتهم سهلة ومريحة، وذلك خلال حوارها اليوم في موقع تحيا مصر.

حيث قالت منى فاروق لـ تحيا مصر: “بقول للناس اللي بتقول إن الفنانيين ولاعيبة الرياضة مرتاحين والدنيا معاهم لذيذة دا مش حقيقي، الفن والرياضة شغلانة زي أي شغلانة.. شغلانة متعبة جدًا”.

وتابعت: “أنا بشوف إن لعيب الكورة بيتمرن كل يوم وعدد ساعات كتير وبيتحرم من القعدة من أهله وأصحابه من وجهة نظري.. وعموما أي شغلانة فيها التزام”.