تفاصيل جنازة وعزاء شقيقة الموسيقار حلمي عبد الباقي

يشيع جثمان شقيقة الفنان حلمي عبد الباقي، اليوم الجمعة الموافق 30 يونيو عقب صلاة المغرب، إلى مقابر العائلة في مشتول القاضي بالزقازيق.

تحيا مصر يرصد تفاصيل جنازة وعزاء شقيقة حلمي عبد الباقي.

عزاء شقيقة حلمي عبد الباقي 

وتستقبل أسرة شقيقة حلمي عبد الباقي، العزاء، غدا السبت بمنزل العائلة بقسم يوسف بك في الزقازيق.

تصريحات حلمي عبد الباقي 

على الصعيد الآخر، قال حلمي عبد الباقي في حلقته ببرنامج “من مصر”: أنا تمام الحمد لله جدا يعني كانت عملية بسيطة كدا والحمد لله تمام دلوقتي، وهو اللي حصل أن أنا من الناس اللي مش بتحب الحاجات دي تنزل غلى السوشيال ميديا، فرحت عملت العملية أنا ومراتي بس حتى مقولتش لأخواتي ولا قولت لأي حد وبعدين تاني يوم لقيت فيه حد من الأصدقاء كاتب ادعوا لحلمي عبد الباقي.

وكشف عبد الباقي عن تلقيه لعدد كبير من المكالمات الهاتفية عقب انتشار خبر مرضه، حيث قال لبرنامج “من مصر”: “فلقيت كمية تليفونات فظيعة وكان جسمي بيقشعر من كتر التليفونات ومن كتر البوستات اللي الناس بتكتبها بحب، وأنا حسيت أن أنا عامل عملية فظيعة كبيرة أوي والناس مش فاهمة، فأنا قولت لازم اطمنهم أن العملية بسيطة فقلبت الدنيا أكتر”.

وتابع قائلًا: “فالحمد لله بجد، أنا بحمد ربنا على حب الناس ودا من دعاء أمي وأبويا الله يرحمهم، كانت الدعوة الشهيرة بيها إنها كانت دايما تقولي يا ابني ربنا يحبب فيك خلقه”.

أزمة حلمي عبد الباقي الصحية

وأوضح عبد الباقي أن هناك نجوم كثيرة اطمئنت عليه وقت مرضه، حيث قال: “احنا مش بنتقابل كتير أوي بس فارس دايما على اتصال بيا وإيهاب توفيق من الناس اللي أنا بحبهم جدا جدا على المستوى الشخصي والفني ومصطفى قمر وحميد الشاعري وعلاء عبد الخالق، يعني بجد مجموعة صعب أنها تتكرر، غير أنهم نجوم، الألفة والحب اللي كان موجود بيننا”.