صلاح عبدالله لـ إيهاب أبو زيد: بسمع الفيوس اللي بعتهولي في العيد وأبكي.. وجعت قلبي

حرص الفنان صلاح عبد الله على نعي المخرج الكبير إيهاب أبو زيد بكلمات مؤثرة، كاشفا عن أخر لحظاتهم سويا، حيث رحل عن عالمنا في الساعات الأولى من فجر اليوم الجمعة بعد تعرضه لـ أزمة قلبية مفاجئة.

تحيا مصر يرصد في ذلك التقرير رسالة صلاح عبد الله لـ إيهاب أبو زيد بعد وفاته

صلاح عبدالله ينعي إيهاب أبو زيد بكلمات مؤثرة

وكتب صلاح عبد الله عبر حسابه الرسمي بموقع التواصل الإجتماعي “فيسبوك”: حزين ومصدوم ومش مصدق ومش عايز أصدق وعمال أسمع الڤويس اللي بعتهولي في العيد وأبكي…وجعت قلبي قوي ياحبيبي أرجوكم أرجوكم أرجوكم قبل الفجر وبعده الدعاء للمخرج الكبير ومدير التصوير ورئيس شبكة تليفزيون النهار.

نجوم الفن ينعون إيهاب أبو زيد بكلمات مؤثرة

كما وجه له حسام داغر هو الأخر رسالة مؤثرة، قال فيها: أنا قلبي هيقف من الخضة .. معقول بيساطه كده انام و اصحي الاقيك مشيت يا ايهاب .. ده انا تليفوني و تليفون اخويا مبطلش رن منك و انا في المستشفي في العنايه لحد ما انا خرجت و سمعت صوتي و قلتلي انا كده اطمنت عليك .. ده لسه في احلام و مشاريع كتير بتفكر فيها سوا .. ببساطه كده ازمة قلبيه مفاجأة. رسالة مؤثرة من حسام داغر لـ إيهاب أبو زيد، ده انت اكتر واحد كنت متحمس لمشروعي دكتور داغر و كنت هتشرف فيه علي الاخراج مع علي و انت المخرج الكبير المدير القائد مفكرتش لحظة متقفش جمبنا .. فاكر انت اول واحد كنت واثق فيا و موهبتي و ادتني بطوله في راديو ستار سنه ٢٠٠٥ و اقنعت بيا علي رجب بعدك لما كمل المسلسل، لاحول ولا قوة الا بالله ايهاب الاخ الكبير الغالي المحترم في ذمة الله ربنا يصبرك يا ادم يا حبيبي انا لقيت ميسد منك الفجر و انا نايم اكيد كنت عاوز تبلغني الي حصل لبابا ربنا يرحمك يا حبييي .. قلبي هيخرج من مكانه من ضرباته و من خضتي عليك .. يا رب تكون في مكان احسن يا ابن الاصول ياما حكتلي عن باباك الاستاذ احمد ابو زيد مدير الاذاعة المصريه زمان و تعلقك الشديد بيه .. هو في انتظارك ياخذك في حضنه بعيد عن دوشة الدنيا و قلقها .. الله يرحمك يا حبيبي الله يرحمك يا ايهاب.

كما كتبت ريهام عبد الغفور: لا حول ولا قوة إلا بالله خبر أخر صادم وحزين الله يرحمك ويحسن إليك ويصبر أهلك وكل حبايبك الموت المفاجيء كتر بشكل مرعب.