بعد وفاة إيهاب أبو زيد.. ريهام عبد الغفور: خبر أخر صادم وحزين والموت المفاجئ كتر بشكل مرعب

أعربت الفنانة ريهام عبد الغفور عن صدمتها بـ وفاة المخرج إيهاب أبو زيد، مشيرة إلى أن الموت المفاجئ أصبح منتشر بكثرة هذه الأيام، موجهة الدعاء للمتوفى الذي رحل عن عالمنا في فجر اليوم الجمعة.

تحيا مصر يرصد في ذلك التقرير رسالة ريهام عبد الغفور للراحل إيهاب أبو زيد

ريهام عبد الغفور ورسالتها للمخرج إيهاب ابو زيد

وكتبت ريهام عبد الغفور عبر حسابها الرسمي بموقع التواصل الإجتماعي “فيسبوك”: لا حول ولا قوة إلا بالله خبر أخر صادم وحزين الله يرحمك ويحسن إليك ويصبر أهلك وكل حبايبك الموت المفاجيء كتر بشكل مرعب ربنا يحسن ختامنا جميعاً الفاتحة من فضلكم.

ريهام عبد الغفور ليست الأولى 

ولم تكن ريهام عبد الغفور الأولى في نعي المخرج إيهاب أبو زيد حيث كتب له حسام داغر رسالة مؤثرة، قال فيها: أنا قلبي هيقف من الخضة .. معقول بيساطه كده انام و اصحي الاقيك مشيت يا ايهاب .. ده انا تليفوني و تليفون اخويا مبطلش رن منك و انا في المستشفي في العنايه لحد ما انا خرجت و سمعت صوتي و قلتلي انا كده اطمنت عليك .. ده لسه في احلام و مشاريع كتير بتفكر فيها سوا .. ببساطه كده ازمة قلبيه مفاجأة.

رسالة مؤثرة من حسام داغر لـ إيهاب أبو زيد

وتابع: ده انت اكتر واحد كنت متحمس لمشروعي دكتور داغر و كنت هتشرف فيه علي الاخراج مع علي و انت المخرج الكبير المدير القائد مفكرتش لحظة متقفش جمبنا .. فاكر انت اول واحد كنت واثق فيا و موهبتي و ادتني بطوله في راديو ستار سنه ٢٠٠٥ و اقنعت بيا علي رجب بعدك لما كمل المسلسل، لاحول ولا قوة الا بالله ايهاب الاخ الكبير الغالي المحترم في ذمة الله ربنا يصبرك يا ادم يا حبيبي انا لقيت ميسد منك الفجر و انا نايم اكيد كنت عاوز تبلغني الي حصل لبابا ربنا يرحمك يا حبييي .. قلبي هيخرج من مكانه من ضرباته و من خضتي عليك .. يا رب تكون في مكان احسن يا ابن الاصول ياما حكتلي عن باباك الاستاذ احمد ابو زيد مدير الاذاعة المصريه زمان و تعلقك الشديد بيه .. هو في انتظارك ياخذك في حضنه بعيد عن دوشة الدنيا و قلقها .. الله يرحمك يا حبيبي الله يرحمك يا ايهاب.