منة شلبي تروي تفاصيل خلافها مع هند صبري: مكانش فيه بينا حب

تحدثت الفنانة منة شلبي عن تفاصيل خلافها مع الفنانة هند صبري، الذي وقع بينهما في بداية مشوارهما الفني، وذلك خلال لقاء لها ببرنامج سهرانين على شاشة تلفزيون قناة أون.

تحيا مصر يرصد تفاصيل خلاف منة شلبي وهند صبري

خلاف منة شلبي وهند صبري

وقالت منة شلبي: أنا وهند صبري مكانش لينا في بعض أوي، طلعت أنا وهي مع بعض، كانت هي بتعمل مواطن ومخبر وحرامي ومذكرات مراهقة، وفي نفس السنين دي أنا كنت بعمل الساحر وبحب السيما، واحنا كنا متنافسين تماما، فيجي حد يقولي دي مش بتحبك.

وتابعت: وفي فيلم أحلى الأوقات كان فيه بينا ود شديد، وأنا وهند مكناش قريبين من بعض، بس من كتر ما احنا بنحب حنان ترك جدا، تلقائي بقينا قريبين، وخلص الفيلم لا حرب ولا سلم.

واضافت: وبعد كدا جالنا بنات وسط البلد، واحنا الاتنين مكانش في بينا خناقة، ومكنش في بينا حب، فأستاذ محمد خان قالي هند هتعمل دور جومانا فقولتله مفيش مشكلة، فقالي انتو هتيجوا عندي البيت نعمل بروفة، وهناك قولتلها أنا في كلام عايزة اقولهولك، قالتلي وأنا كمان، وقعدنا نتكلم مع بعض، واتصافينا.

سبب غضب منة شلبي من أسما إبراهيم

وعلى صعيد آخر، أعربت الفنانة منة شلبي عن غضبها من سؤال وجه لزميلتها الفنانة ريهام عبد الغفور يحمل شيء من المقارنة بين تاريخ منة شلبي وتاريخ ريهام عبد الغفور، وذلك خلال حلول الأخيرة ضيف على برنامج “حبر سري”، الذي تقدمه الإعلامية أسما إبراهيم على شاشة القاهرة والناس.

وجاء سؤال أسما إبراهيم لـ ريهام عبد الغفور على النحو الأتي: “تقري وتعترفي إن منة شلبي سبقتك بخطوات كتير أوي”، فكان رد ريهام عبد الغفور عليها: “أعترف جدا منة شلبي دي حبيبة قلبي وأنا من أشد معجبيها”.

من جانبه ردت منة شلبي على هذا السؤال الذي أثار استفزازها، فقالت: “عيب اوي الاسئله اللي من النوع ده حقيقي عيب.. ريهام فنانه كبيره جدا و احنا مش ف سباق احنا كلنا بنكمل بعض مش بننافس بعض ! عيب”.