خالد سليم: مكنش معايا فلوس وكنت هبيع عربيتي ومفيش حد من السعودية بيعزمني على الحفلات والمهرجانات

كشف الفنان خالد سليم عن الفترة الصعبة التي مر بها في حياتها موضحًا أنه كان يفكر في الاعتزال، كما أعرب عن استيائه من عدم دعوته في الحفلات والمهرجانات في السعودية.

تحيا مصر يرصد لكم تصريحات خالد سليم

خالد سليم: مكنش معايا غير 20 ألف جنيه في حسابي وكنت هبيع عربيتي

وقال خالد سليم خلال استضافته في برنامج حبر سري والتي تقدمه الإعلامية أٍما إبراهيم والذي يعرض عبر قناة القاهرة والناس:  فكرت في الاعتزال في الأزمات اللي حصلت في حياتي وكنت هسافر بره مصر، وقبل الجواز سافرت كندا وكنت عايز أكمل حياتي هناك وما بعد الكورونا كان في مشاكل واحباطات ومؤامرات مكنتش اتخيل اشوفها في حياتي وكل ده عشان أنا في حالي وفكرت اعتزل.

وتابع: في فترة في حياتي كمية الناس اللي كانت بتموت حوالينا كانت مرعبة والفراق صعب ووحش ومع المشاكل والضغوطات في الشغل وحسابي مكنش فيه 20 ألف جنيه وكنت هبيع عربيتي  وكنت مش عايز أكمل وزهقت وضعفت واحبطت وعرفوا يحبطوني.

وأضاف: اللي وقف جنبي مراتي وحمايا  وأخويا دول اللي بيقفوا معايا وفترة طويلة حفلات تتعمل في كل حتة إلا أنا ودي.

خالد سليم: مفيش حد من السعودية بيعزمني على الحفلات والمهرجانات

كما أعرب خالد سليم عن استيائه من عدم دعوته إلى الحفلات والمهرجانات في المملكة العربية السعودية وقال: أنا روحت السعودية مرة واحدة بس، وأزاي أبقى أنا من أبناء جيلي اللي اتولد في الخليج وغنيت بالخليجي والوحيد اللي ميروحش في المواسم.

خالد سليم: في حد مش عايزني أحضر المهرجانات اللي في السعودية

وأضاف: صعبت عليا نفسي، و نفسي أعرف إيه المشكلة وكل الاحتفالات وأي مهرجان بره مصر والسعودية بشكل خاص مفيش حد عزمني رغم إني موجود وبنتج شغلي مؤخرًا وعندي رصيد وجمهور كبير بس في حد مش عايز ده يحصل ومعرفش ليه.

خالد سليم يكشف تفاصيل محاولة قتله

وخلال اللقاء كشف خالد سليم تفاصيل محاولة قتله وقال: في حد بيحاول يقتلني بسبب مشاكل على فلوس، وكان في مشروع وكان شخص قريب مني وعلى علاقة بأحد أفراد عائلتي طلب إني أشارك معاه، ودخلت شريك معاه وأول ما المشروع باظ قالي ملكش حاجة عندي، ورفعت قضايا عليه ورجعت فلوسي بالقانون وأعتقد أن هو ده الشخص اللي حاول يقتلني وكان عايزني اتعالج بالفلوس اللي رجعتها.