خالد سليم: اتعرضت للقتل من أحد شركائي وابن خالي عمل نفسه مدير أعمالي وهو مش بيفهم حاجة

كشف الفنان خالد سليم تفاصيل محاولة قتله على يد أحد شركائه، كما كشف عن حقيقة تولي اين خاله إداراة أعماله في فترة ما في حياته.

تحيا مصر يرصد لكم تصريحات خالد سليم 

وقال خالد سليم خلال استضافته في برنامج حبر سري والذي يعرض عبر قناة القاهرة والناس وتقدمه الإعلامية أسما إبراهيم:  لما باخد قرار بكون حاولت أن الأشخاص دي تكون موجودة في حياتي ولكن مش بيوافقوا باخد القرار وقلبي بيجمد.

خالد سليم: ابن خالي عمل نفسه مدير أعمالي وهو ملهوش دعوة بيا

وتابع: عمر ما كان عندي مدير أعمال من دمي وابن خالي عمل نفسه مدير أعمال، وعرف الناس بصفه هو ملهوش دعوة بيها ولا يفهم حاجة فيها، وهو كان مجرد مرافق معايا في فترة ما في حياتي وبس.

وكشف:  والدتي فرضت عليا أبن خالي وخليته يبقى معايا دايمًا عشان كانت خايفة عليا، ومكنتش أناوهو صحاب ومع الوقت بعدها بقينا صحاب وهو حاول يخش معايا وهو عمره ما كان مدير أعمال وهو عمل نفسه مدير أعمال واتكلم مع الناس على أنه مدير أعمالي.

خالد سليم يكشف تفاصيل محاولة قتله

كما كشف خالد سليم تفاصيل محاولة قتله وقال: في حد بيحاول يقتلني بسبب مشاكل على فلوس، وكان في مشروع وكان شخص قريب مني وعلى علاقة بأحد أفراد عائلتي طلب إني أشارك معاه، ودخلت شريك معاه وأول ما المشروع باظ قالي ملكش حاجة عندي، ورفعت قضايا عليه ورجعت فلوسي بالقانون وأعتقد أن هو ده الشخص اللي حاول يقتلني وكان عايزني اتعالج بالفلوس اللي رجعتها.

وتحدث خالد سليم عن فترة مرض والدته وقال:  فترة مرض والدتي عملتلي عقدة وخوف إني افقد حد عزيز عليا، وفضلنا 3 شهور احنا بنحاول نعرف عندها إيه ومكناش بننام، وجالها سرطان الثدي وتعافت منها وهي زي الفل دلوقتي ومش بتاخد كيماوي بس التلت شهور كانوا أصعب أيام عدت عليا. 

خلاف تامر حسني وخالد سليم

وكان قد تحدث خالد سليم عن خلافه مع تامر حسني وقال: أنا وتامر كنا صحاب زمان لكن مع الوقت حصل حاجات كتير ومبقناش صحاب وهو قرر يكون في حته لوحده.

وتابع: تامر حسني عايز يبقى لوحده، وعايز يأكد أنه نجم الجيل بالاستحواذ على جميع الأدوار ودي وجهة نظر خاطئة، والجمهور اللي هيحكم عليه.