تامر حسني عايز يأكد أنه نجم الجيل وجالي ورم في الأحبال الصوتية وصحابي تنمروا عليا.. أبرز تصريحات خالد سليم

حل الفنان خالد سليم ضيفًا على برنامج حبر سري الذي يعرض عبر قناة القاهرة والناس والتي تقدمه الإعلامية أسما إبراهيم، وكشف عن أسرار في حياته الشخصية وأزمته مع تامر حسني، وتطرق بالحديث عن أزمته الصحية.

تحيا مصر يرصد لكم تصريحات خالد سليم 

ونستعرض لكم في التقرير التالي أبرز صريحات خالد سليم

• تامر حسني عايز يبقى لوحده.. وعايز يأكد أنه نجم الجيل بالاستحواذ على جميع الأدوار ودي وجهة نظر خاطئة، والجمهور اللي هيحكم عليه.
• أنا وتامر كنا صحاب زمان لكن مع الوقت حصل حاجات كتير ومبقناش صحاب وهو قرر يكون في حته لوحده
• كان عندي مشاكل في أحبالي الصوتبة وأخدت كرتيزون لمدة كبير جدًّا لأنه أسهل حاجة عمل احتباس للمياه في الجسم.
• وزني زاد بشكل كبير جدًّا لدرجة إني ما كانش فيه هدوم بتدخل فيَّ وكنت بلبس ملابس رياضية والناس كانت بتخاف مني.
• صحابي المقربين جدًّا مني سابوا كل تاريخي وبقوا يتريقوا ويتنمروا عليَّ وكان بيأثر فيَّ بالنسبة لي كانت سكاكين وكنت باكل وبعيط صعبت عليَّ نفسي جدًّا.
• عرفت إني عندي ورم في أحبالي الصوتية، و ورُحت لدكتور محمد حماقي هو اللي عرفني عليه لغاية ما عرفت إني عندي ورم وعملت عملية استئصال.
• شائعات انفصالي عن زوجتي مميتة.. وبناتي بتغير عليّ من مامتهم.
• لم أحصل على عائد من الأغاني.. والتمثيل وقف جنبي.

خالد سليم يحتفل بحفل تخرج ابنته

ومن جانب آخر، كان قد حرص الفنان خالد سليم على تهنئة ابنته نور بـ حفل تخرجها، موجهًا رسالة فخر واعتزار بها وذلك عبر حسابها الرسمي بموقع تبادل الصور انستجرام، وكتب خالد سليم عبر حسابه بموقع انستجرام: النهاردة .. كان يوم مميز جدا ليا .. إختلطت مشاعري بشكل غريب .. بشكل عمره ما حصلي في حياتي كلها .. رغم إني ممكن في ألبوم واحد أغني أكتر من حالة ومشاعري تكون مختلفة مع كل لحن .. أو إني أدخل في فيلم أو مسلسل و الشخصية يكون فيها إختلاف في المشاعر في كل مرحلة .. بس الحقيقة النهاردة أنا عيشت ٤ ساعات مليانين سعادة وخوف وفخر ودموع ومحبة وشجن.

خاالد سليم عن ابنته: فخور بيها و بمحبة الكل ليها و شخصيتها الحلوة

وتابع حديثه، قائلا: حفلة تخرج بنتي الكبيرة نور .. كنت سعيد إنها وصلت للمرحلة دي بكل نجاح.. و كنت خايف عليها طول ما أنا شايفها بتتحرك قدامي .. و فخور بيها و بمحبة الكل ليها و شخصيتها الحلوة .. و دموعي و المحبة و الشجن كانوا بسبب الحالة اللي كل الطلبة و المدرسين و العاملين في المدرسة كانوا فيها .. إن الدفعة دي هيمشوا و يسيبوا المدرسة و يبدأوا مرحلة جديدة.