محمدر مضان: أنا مش مطرب ومش بقصد أعمل تريند

تحدث الفنان محمد رمضان عن أزماته في الوسط الفني، كما تحدث عن زوجته وأبنائه، كما تطرق بالحديث عن بدايته الفنية.

تحيا مصر يرصد لكم تصريحات محمد رمضان 

وقال محمد رمضان خلال لقائه في برنامج كاربول كايروكي المذاع عبر قناة دبي: عمري ما كان عندي مشكلة مع فنان، لإننا كلنا في مهنة واحدة وفي احترام وزمالة.

محمد رمضان: أنا مش مطرب 

واستكمل: أنا مش مطرب عشان أقيم المطربين لكن محمد منير هو ملك الغناء، ولو كنت فنان زمان هشتغل مع زبيدة ثروت وممكن أشتغل مع نيللي كريم وياسمين صبري ودينا الشربيني وأمينة خليل نفسي أشتغل معاهم.

وتحدث عن ابنته وقال: كنزي بنتي بتقولي يا كتكوت ومش لايق عليا، بس هي تعمل اللي عايزاه وعلي بيقولي يا بابا عادي وزوجتي بتقول لي محمد، ليه يقولوا لي الأسطورة هو أنا بعذبهم؟.

وتابع: الطموح زي العمر بيكبر ومن البداية مكنتش أتوقع اللي هكون فيه النهارده، كما أن السيرة  الذاتية لـ محمد فوزي وأحمد زكي توقفوا، وطبعًا فكرت وكنا اشتغلنا على الفكرة ولكن توقفوا.

محمد رمضان: أنا وزوجتي الكابل المثالي وأنا زوج صالح ليها

 وعن زوجته قال: أنا وزوجتي الكابل المثالي وبيننا تفاهم وأنا بالنسبة لها زوج صالح، وأديها في تربية أولادي والأناقة والاهتمام الدرجة النهائية.

كما تحدث محمد رمضان عن بدايته الفنية وقال: أول مرة مثلت كان عمري 14 سنة، وقولت إني نجم لما عمر الشريف قال إني هكمل مسيرته، وأمي هي اللي وقفت بجانبي في مشواري، وأتمنى ربنا يقدرني وأقدر اسعدها وتفضل فخورة بيا.

محمد رمضان: مش بقصد أعمل تريند

 كما رد رمضان على اتهامه بتعمد إثارة الجدل، وقال: مش بقصد أعمل تريند، وجالي معجون أسنان من الذهب ودا شيء غريب وصورته، ليه لقيت الدنيا اتقلبت والناس بيعملوا من الحبة قبة؟.

كما كشف رمضان خلال اللقاء ذاته: تمنى لـ زملائي من الوسط الفني أن ربنا يجعلني سبب لتركيزهم في شغلهم ومصدر طاقة ليهم ويشتغلوا أكتر وينجحوا ويقدموا حاجات تسعد الناس، وبتمنى لـ ولادي الصحة ويفضلوا يحبوا بعض وميبقوش قاسين على بعض، أما ليا ف، بتمنى أفضل أقدم كل ما هو جديد ومتطور في الغناء للجمهور من الشباب وأفضل أسعدهم.